Nov 042011
ರಾಮಾಯಣ, ಮಹಾಭಾರತ, ಕಾಳಿದಾಸನ ಮಹಾಕಾವ್ಯಗಳೆಲ್ಲವನ್ನೂ ಮೂಲದಲ್ಲಿ ಓದಿ ಮುಗಿಸಿದ ಗೆಳೆಯನ ಕುರಿತು ಬರೆದ ಪದ್ಯಗಳು ::
ಮೇಲೆ ತೇಲುತ ಸಾಗರಂಗಳ
ಮೂಲೆಯಲ್ಲಳುಕುತ್ತ ಮೆರೆಯದೆ
ಆಳಗಳನೆಲ್ಲವನು ಶೋಧಿಸಿ ಮಥಿಸಿದಾ ಶೂರ |
ಮೂಲ ಗ್ರಂಥಂಗಳ ಪಠನವೀ
ಕಾಲಗಳಲಪರೂಪವಾಗಿರೆ
ಪಾಲು ಕದಳೀ ಫಲದವೋಲ್ ಕಳೆದಿರ್ಪನೀ ಧೀರ ||
ಪರುಠವಿಸುತ ಕುಶಾಗ್ರಮತಿಯ –
ನ್ನರಸಿ ಸತ್ಯಾಂಶಂಗಳೆಳೆಗಳ –
ನೆರಕವೆರೆದಿಹ ತರ್ಕಗಳ ಚಿರ ತತ್ವಗಳ ಬೆಳಗಿ |
ಸರಸ ಹಾಸದ ಸರಳ ಸಖ ಸುಮ –
ಧುರ ಸರಾಗ ಗುಣಂಗಳಾ ಗಣಿ
ಹರಳೊ ಮುತ್ತಿನ ಮಣಿಯೊ ಹವಳದ ಶಿಲೆಯೊ ನಾನರಿಯೆ ||
ನಿಮ್ಮ ಗೆಳೆಯರಿಗೆ ಅಭಿನಂದನೆಗಳು. ಅವರು ಯಾರೆಂದು ನೀವು ಹೇಳಲಿಲ್ಲ.
ಇಲ್ಲಿರುವ ಅನೇಕರಿಗೆ ಪರಿಚಯದವರೇ. ಅವರಿಗೆ ಮುಜುಗರವಾಗಬಹುದೆಂದು ಹೆಸರನ್ನು ಬಿಟ್ಟೆ 🙂
ಇದು ಮುಜುಗರ ತರುವ ಸಾಧನೆ ಖಂಡಿತಾ ಅಲ್ಲವೆಂದು ನನ್ನ ಅನಿಸಿಕೆ… ಅಲ್ಲವೇ? 🙂
ಸ್ನೇಹ-ತರ್ಕ-ಶರೀರಬಲ-ಸಂ-
ದೇಹರಹಿತಹಿತಪ್ರದಾಯಕ-
ಸಾಹಿತೀಪ್ರತಿಭಾಸ್ಫುರಣೆಗಳ ಹೃದ್ಯಸಂಗಮವು
ಮಾಹಿತಿಯ ತಂತ್ರಜ್ಞತೆಗೆ ನಿರ್-
ಮೋಹಸಾಮಾನ್ಯದ ಬದುಕು ದಲ್
ರೂಹುಗೊಂಡಿರ್ಪುವು ಗಡಾ ಆ ಗೆಳೆಯ ವಾಸುಕಿಯೊಳ್
Congrats Vasuki…..how will you maintain time for all this along with your routine work..just wonderful.
ಅಭಿನಂದನೆಗಳು ವಾಸುಕಿಯವರಿಗೆ, ಗಣೇಶರ ಪದ್ಯವಂತು ರಸಪೂರವಾಗಿದೆ..
abhinandanegaLu. nannanta alpanige daarideepa.. 🙂