ಯುವತಿಯೋರ್ವಳ ಬಣ್ಣಿಸಿದನಪ್ಸರೆಯರೆದುರಲಿ ನಾರದ,
ಧವಳ ವರ್ಣದ ನುಣುಪುಗೆನ್ನೆಯ ಗಲ್ಲದಂಚಿನ ಮಚ್ಚೆಯ.
ತವಕದಿಂದಲಿ ನಾರಿಮಣಿಯರು ಭ್ರಮರ ಸೇನೆಯ ಕರೆದರು. ಭುವನಸುಂದರಿಯವಳ ಮೊಗವನ್ನಶಿಸಲಾಜ್ಞೆಯನಿತ್ತರು.
ಭುವನದೀ ಚೆಲುವೆಯನು ಕಂಡೊಡೆ ಭ್ರಮರಗಳ ಮನ ಕಲಕಿತು.
ಬವಣೆಯಿವಳಿಗೆ ಸಲ್ಲದೆನ್ನುತ ಸೇನೆ ಸ್ವರ್ಗಕೆ ಮರಳಿತು.
ಸವಿಯನುಣ್ಣಿಸುವಾತುರದಲಪ್ಸರೆಯರೆಲ್ಲರು ಬಂದರು.
ಭವಿಸಿದೆಲ್ಲವನರಿತು ಮರುಕದಿ ಕೋರಿಕೆಯನೊಂದಿತ್ತರು.
ನಿನ್ನ ಮೊಗದ ಚೆಲ್ವಿಂದಂ
ಕೆನ್ನೆಗೆ ಜೇನುಗಳು ಮುತ್ತನಿತ್ತುದು ದಿಟಮೇ!
ಚೆನ್ನೆಯೆ, ಕಚ್ಚಿದೊಡನೆಯೇ
ಬನ್ನದೆ ಬೊಬ್ಬೆಗಳ ಪೊತ್ತು ಪರಿದಾಡುವೆಯೈ|
ಯುವತಿಯೋರ್ವಳ ಬಣ್ಣಿಸಿದನಪ್ಸರೆಯರೆದುರಲಿ ನಾರದ,
ಧವಳ ವರ್ಣದ ನುಣುಪುಗೆನ್ನೆಯ ಗಲ್ಲದಂಚಿನ ಮಚ್ಚೆಯ.
ತವಕದಿಂದಲಿ ನಾರಿಮಣಿಯರು ಭ್ರಮರ ಸೇನೆಯ ಕರೆದರು. ಭುವನಸುಂದರಿಯವಳ ಮೊಗವನ್ನಶಿಸಲಾಜ್ಞೆಯನಿತ್ತರು.
ಭುವನದೀ ಚೆಲುವೆಯನು ಕಂಡೊಡೆ ಭ್ರಮರಗಳ ಮನ ಕಲಕಿತು.
ಬವಣೆಯಿವಳಿಗೆ ಸಲ್ಲದೆನ್ನುತ ಸೇನೆ ಸ್ವರ್ಗಕೆ ಮರಳಿತು.
ಸವಿಯನುಣ್ಣಿಸುವಾತುರದಲಪ್ಸರೆಯರೆಲ್ಲರು ಬಂದರು.
ಭವಿಸಿದೆಲ್ಲವನರಿತು ಮರುಕದಿ ಕೋರಿಕೆಯನೊಂದಿತ್ತರು.
“ಕವಿತೆಗೊಪ್ಪುವ ಕೆನ್ನೆಗಲ್ಲಗಳಿರಿಯಲಾಗದೆ ಹೋದರೂ.
ರವಿಯ ಕಾಂತಿಯ ಹೋಲುವಂದಕೆ ತನ್ನಿ ಗ್ರಹಣವನಾದರು!”
ಇವರನರಿತಾ ಸೇನೆಯವಳಾ ಕೆನ್ನೆ ಗಲ್ಲಗಳಪ್ಪಿತು,
ದಿವಸಕಿಂತಲು ಕುವರಿಯಧರದ ಸೊಬಗು ಮುಮ್ಮಡಿ ಗೊಂಡಿತು.