ಪದ್ಯಸಪ್ತಾಹ ೪೩೭

  One Response to “ಪದ್ಯಸಪ್ತಾಹ ೪೩೭”

1. 

   ಹಾದಿರಂಪ says:

   May 18, 2021 at 12:19 am

   ಸಿಹಿಗನಸಿನಿಂದ ಎಚ್ಚೆತ್ತಾಗ:
   ಕನಸಿನೊಳು ಕಂಡದ್ದು ನನಸಾಗದೆಂದಿಗುಂ
   ಬಿನದದೇಂ ಕಹಿಯದಿದ್ದೊಡಮೇನದು|
   ಮನಕಿನಿತೆ ದುಃಖವೈ ಕನಸುಗಳ್ ಕೊನೆಯಾಗ-
   ಲೆನಿತೊ ಹಾಳಾದುದೆನ್ನುತೆ ನಿದ್ದೆಯು||1

   ಕೊನೆಗೇನು ಕಾದಿತ್ತೊ ಕನಸಿನೊಳು ಬಲ್ಲೆಯೇಂ
   ಎನಿತೊ ತಿರುವನು ಪೊಂದಬಹುದು ಕತೆಯು|
   ಇನಿತು ದುಃಖವೆ ಅರ್ಧವೇ ಸಿಹಿಯು ಸಂದಿರ್ಪು-
   ದೆನುತೆ, ಸಾಲದೆ ಅರ್ಧ ದುಃಖ ನಿನಗೈ||2
   ———
   ಮುಂಡಾಸು ಕರವಸ್ತ್ರಕ್ಕೆ ಹೇಳುವುದು:
   ಸ್ಥಿರದಿಂದಿರೆ ಶೀರ್ಷಮಾತ್ರಮಂ
   ಭರಿಸಲ್ ಸಾಕಲೆ ಕಷ್ಟಮಿಲ್ಲಮೈ|
   ಕರದೊಳ್ ತಿರುಗೇಂ, ಲಲಾಟಮಂ
   ಒರೆಸಲ್ಕಾದಪೆ ನಾಸಿಕಗ್ರಮಂ||
   ———-
   ತರುಣ ಒಬ್ಬಳಿಗೆ ಪ್ರೊಪೋಸ್ ಮಾಡಿದ. ಅವನು ಅವಳ ಗೆಳತಿಗೂ ಪ್ರೊಪೋಸ್ ಮಾಡಿದ್ದು, ಅದು ಇವಳಿಗೆ ತಿಳಿದಿದೆ. ಆದರೂ ಸಮಂಜಸವಾದ ಪ್ರತಿಕ್ರಿಯೆಯನ್ನು ನೀಡುತ್ತಾಳೆ:
   ನನ್ನಽಯಽ ಗೆಳತಿಽಯಽತಂತ್ರಽಳುಽ ತಾನಿನ್ನೂ
   ನಿನ್ನಽಯಽ ಪ್ರಸ್ತಾವಽದೊಳ್ ಕೇಳ್|
   ಇನ್ನೊಂದುಽ ವಾರಽದೆಽ ನಿರ್ಧಽರಿಽಸುವಳಂತೆಽ
   ಅನ್ನೆಽಗಽಮಿರು ನೀನುಽ ಸುಮ್ನೆಽ||
   ———
   ಸಮಸ್ಯೆ:
   ಮೇಕೆಯು ಜಿಂಕೆ-ಹಾವು-ಕರುಗಳ್ ಹಯಗಳ್ ಕ್ರಿಮಿ-ಪಕ್ಷಿ-ದಂತಿಗಳ್
   ಕೇಕೆಯ ಗೈಯವೈ ಕರೆಯೆ ಬಂಧುಗಳಂ ಸಮಭಾಗದಶ್ನಕಂ|
   ಸಾಕಹುದಲ್ಪಮಾತ್ಮಕೆ, ಸಖರ್ಗೆ ವಿಭಾಗವಿಧಾನಮೆನ್ನುತೀ
   ವ್ಯಾ-ಕರಣಂ ಸುವೇದ್ಯಮೆನುತುಂ ಕಲಿತಿರ್ಪುದು ಕಾಗೆಯೊಂದು ತಾಂ||
   (ವ್ಯಾ ಎಂದು ಬಾಯಿ ತೆಗೆದು ಕಾಗೆ ತನ್ನವರನ್ನು ಕೂಗುತ್ತದೆ)

   Reply