Apr 092019
೧. ಅನುಷ್ಟುಪ್ ಸಮಸ್ಯೆ:
ನಾಣಿಂದುಡೆಯನುರ್ಚಿದಳ್
ನಾಣಿಂದೆ = ನಾಚಿಕೆಯಿಂದೆ, ಉಡೆ=ವಸ್ತ್ರ, ಉರ್ಚು=ತೆಗೆ
೨. ರಥೋದ್ಧತ ಸಮಸ್ಯೆ:
ಬೇವನೇ ಬಯಸುವಂ ಯುಗಾದಿಯೊಳ್
೧. ಅನುಷ್ಟುಪ್ ಸಮಸ್ಯೆ:
ನಾಣಿಂದುಡೆಯನುರ್ಚಿದಳ್
ನಾಣಿಂದೆ = ನಾಚಿಕೆಯಿಂದೆ, ಉಡೆ=ವಸ್ತ್ರ, ಉರ್ಚು=ತೆಗೆ
೨. ರಥೋದ್ಧತ ಸಮಸ್ಯೆ:
ಬೇವನೇ ಬಯಸುವಂ ಯುಗಾದಿಯೊಳ್
ಕಾವ ಲೋಗರ ಸಮೂಹವೊಂದಕಂ-
ದಾವನೋ ಜನರೊಳೊರ್ವ ಪಾಚಕಂ I
ಸೇವೆಯಟ್ಟಿನೊಳು ಕೃಷ್ಣವರ್ಣದಾ
ಬೇವನೇ ಬಯಸುವಂ ಯುಗಾದಿಯೊಳ್ II
ಚೌಕಿದಾರರ ತಂಡದೊಳಗೆ ಅಡುಗೆಯವನೆಂಬ ಚೌಕಿದಾರ ಸ್ವಯಂಸೇವೆಯ ತನ್ನ ಅಡುಗೆಗೆ (ಒಗ್ಗರಣೆಗೆ ) ಯುಗಾದಿಯ ದಿನವೂ ಕರಿಬೇವನ್ನೇ ಬಯಸಿದ
ಬರೆ ಸೂರ್ಯಂ ಕರಂ ಹೈಮಾಂಬರೆ ವಿಶ್ವಂಭರಾಖ್ಯೆಯೇ
ಕರಂಗುತ್ತೆಂತುಟೋ ಬೇಗಂ ನಾಣಿಂದುಡೆಯನುರ್ಚಿದಳ್
ಸೂರ್ಯನನ್ನು ಕಂಡಾಗ ಹಿಮವಸ್ತ್ರವನ್ನು ತೊಟ್ಟ ಭೂಮಿಯು ಸಮಾಧಾನ ಹೊಂದಿ ಕರಗಿ ನಾಚುತ್ತಾ ಬಟ್ಟೆಯನ್ನು ತೆಗೆದಳು.
Fine
Thanks
ವೈವಾಹಾದಿಯೊಳೇಗಳ್ ತಾಂ ನಾಣಿಂದುಡೆಯನುರ್ಚಿದಳ್|
ಈಗಳ್ ನಾಣ್ಚುವೊಲಾ ಭರ್ತಂ ಬಿಡುಬೀಸಿಂದೆಯುರ್ಚುವಳ್||
ROFL
ನಾಣ್ಚುವೊಲ್ “ಆ” ಭರ್ತಂ ಅಂದರೆ ಈಗ ಅನೇಕ ಗಂಡಂದಿರಿದ್ದಾರೆಂದೇ?ಇದು ವಾಚ್ಯವೋ ಧ್ವನಿತವೋ ತಿಳಿಯಲಿಲ್ಲ
’ಆ’ ಎಂದರೆ, ನಾಚಿಕೊಳ್ಳುವ ಸರದಿ ಇವಳದಿದ್ದಾಗ ಇದ್ದನಲ್ಲ, ಅವನೇ. ವ್ಯಾಚ್ಯವೇನಿಲ್ಲ. ಎಲ್ಲ ಧ್ವನಿತವೇ. ನಾಚಿದ ಆ ಭರ್ತನು ಬಾಯಿಬಡಿದುಕೊಂಡಾಗ ಹೊರಟ ಧ್ವನಿಯೇ!
ಅನ್ಯೋನ್ಯದಾಂಪತ್ಯ:
ಹಾವಭಾವದಿ ಕಳತ್ರಳೀಯಲೇಂ
ಖೋವದೊಲ್ ಮಧುರಮಿರ್ಪುದೆಲ್ಲಮೈ|
ಓವ ಕೈಯವಳ ಸ್ವಾದುವಿರ್ದಿರಲ್
ಬೇವನೇ ಬಯಸುವಂ ಯುಗಾದಿಯೊಳ್||
ವ್ಯಾಧಿಯಿಂ ಪೀಡಿತಳ್ ವೈದ್ಯಂ ವ್ರಣಮನೀಕ್ಷಿಪೆನೆಂದಿರಲ್
ಬಾಧೆಯಂಬಟ್ಟು ತಾನಾಗಳ್ ನಾಣಿಂದುಡೆಯನುರ್ಚಿದಳ್
ಸರಿಸುತ್ತುಡೆಯಂ ಕೊಂಚಂ ತೋರೆ ಸಾಕಿತ್ತು ಗಾಯಮಂ|
ವ್ಯಾಧಿಯೇನೆಂದು ಸುಸ್ಪಷ್ಟಂ, ವಸ್ತ್ರಸರ್ವವನುರ್ಚಿರಲ್||
ನೋವಿನೊಂದಿಗೊದಗಿರ್ಪ ನಲ್ಮೆಯಂ
ಸಾವಿನೊಂದಿಗೊದಗಿರ್ಪ ಬಾಳ್ಕೆಯಂ
ಭಾವಿಸಲ್ಕೆ ಸವಿಬೆಲ್ಲದೊಂದಿಗಾ
ಬೇವನೇ ಬಯಸುವಂ ಯುಗಾದಿಯೊಳ್
ಸಂಖ್ಯೆ ೩ರಲ್ಲಿ ನಾನು ಬಳಸಿದ ’ಆ’ಶಬ್ದಕ್ಕೆ ತಕರಾರೆತ್ತಿ ಈಗ ನೀವೇ ಅದನ್ನು ಬಳಸಿದಿರಲ್ಲ! ’ಆ ಬೇವು’ ಎಂದರೆ ಕಹಿಬೇವೋ? ಕರಿಬೇವೋ?
ಆ ವನ್ನು ಅಂ(ಬೆಲ್ಲದೊಂದಿಗಂ) ಮಾಡಿಕೊಂಡ್ರಾಯ್ತು. ಕರಿಬೇವಲ್ಲ..ಬರೀಬೇವು 🙂
ಮಾಣಿಯುರ್ಚಿದನೆ೦ದು೦ ನಿ-
ಲ್ದಾಣ ಮುಟ್ಟಿದ ವೇಳೆಯೊಳ್ I
ವಾಣಿ, ತಾನ್ ಮೀಯಿಸಲ್ಕಾಗಳ್
ನಾಣಿಂದುಡೆಯನುರ್ಚಿದಳ್ II
ಉರ್ಚು = ಮಲ ವಿಸರ್ಜಿಸು ಎಂಬ ಅರ್ಥದಲ್ಲಿ ಮೊದಲ ಪಾದ
ತನ್ನೊಂದಿಗೆ ಹಸುಗೂಸಾದ ಹುಡುಗನನ್ನು ಕರೆದೊಯ್ದ ವಾಣಿಯೆ೦ಬ ಮಹಿಳೆ ಅವನ ಮಡೆಯಾದ ಉಡುಪನ್ನು ಪ್ರಯಾಣಿಕರ ಮಧ್ಯೆ ನಾಚುತ್ತಾ ತೆಗೆದಳು.