ಪದ್ಯಪಾನ ೪೪೬

  5 Responses to “ಪದ್ಯಪಾನ ೪೪೬”

1. 

   ಹಾದಿರಂಪ says:

   December 8, 2021 at 11:36 pm

   ರಾಮಾಯಣಪ್ರಸಂಗಗಳೊಳಗೆ ನನಗೆಂತೊ
   ಆಮೋದವೆಂದರದು ಗುಹನ ಸಿದ್ಧಿ|
   ರಾಮ ತಾ ಪಾರಾಗಿಸುವನು ನರಮಾತ್ರರನು
   ರಾಮನನೆ ಪಾರುಗಾಣಿಸಿದ ಗುಹನು||

   Reply
   • 

     ಗುರುದತ್ತ says:

     December 16, 2021 at 1:36 pm

     ಆಹಾ. ಸುಂದರವಾದ ಪದ್ಯಭಾವ..

     Reply
2. 

   ಹಂಸಾನಂದಿ says:

   December 17, 2021 at 1:53 am

   ಹೊಸದಾಗಿ ಬರೆದ ಪದ್ಯಗಳಲ್ಲ, ಆದರೂ ಸಂದರ್ಭಕ್ಕೆ ತಕ್ಕದೆಂದು ಹಾಕುತ್ತಿದ್ದೇನೆ. ರಾಮ ಸೀತಾ ಲಕ್ಷ್ಮಣರು ಪಂಚವಟಿಗೆ ಬಂದ ಮೊದಲ ದಿನದ ವರ್ಣನೆ. _/|\_

   ತರುಣಿ ಹರಿಯುವ ನದಿಯ ನೋಡುತ
   ಲರುಹಿದಳು ತನ್ನಿನಿಯ ರಾಮಗೆ
   ಹರುಷ ತರುವೀ ತಾಣವಿದು ಬಲು ಸೊಗಸು ಕಾಣುತಿದೆ|
   ಸುರಗಿ ಹೂಗಳು ಬಿರಿದು ಸುತ್ತಲು
   ಪರಿಮಳವ ಹರಡಿಹವು ಕೇಳ್ ನಾ-
   ವಿರಲಿಕಿದುವೇ ಸೊಗದ ನೆಲೆಯಹುದೆಂದಳಾ ಸೀತೆ || 1 ||

   ಇಳೆಯ ತನುಜೆಯ ಕೂಡೆ ರಾಮನು
   ಬಳಿಯ ಗೋದಾವರಿಯ ದಡದ-
   ಲ್ಲಿಳಿದು ನಿಂತನು ಮೆಚ್ಚಿದನು ಎಡೆ ತಕ್ಕುದಹುದೆನುತ |
   ಉಳಿದಿರುವ ವನವಾಸ ಕಾಲವ
   ಕಳೆಯೆ ಸೊಗವಿದೆನುತಿರೆ ಸುತ್ತಣ
   ಗಿಳಿಯವಿಂಡುಗಳಳಿಸಮೂಹವು ಹರ್ಷ ತೋರಿದವು || 2 ||

   ಮಡದಿಯಾಸೆಯ ಕೇಳಿ ರಾಮನು
   ಸಡಗರವ ತೋರುತಲಿ ಲಕ್ಷ್ಮಣ
   ನೊಡನೆ ಅಲ್ಲೇ ಪರ್ಣಕುಟಿಯನು ನಿರ್ಮಿಸಲು ಹೇಳಿ |
   ಎಡದ ಕಡೆಯಲಿ ಗೌತಮೀ ನದಿ
   ಯೆಡೆಗೆ ಹೆಂಡತಿಯನ್ನು ಕರೆದೊ-
   ಯ್ದುಡುಗೊರೆಯನಿತ್ತಿಹನು ಮುಡಿಯಲಿ ಕೇದಗೆಯ ಹೂವ || 3 ||

   ಸುಗುಣಿ ಲಕ್ಷ್ಮಣನಣ್ಣನಾಣತಿ
   ತೆಗೆದು ಹಾಕುವುದುಂಟೆ? ಕೂಡಲೆ
   ಹೆಗಲ ಮೇಗಡೆ ಹೊತ್ತು ತಂದನು ರೆಂಬೆಕೊಂಬೆಗಳ |
   ಹಗಲು ಮೀರುವ ಮುನ್ನ ಕಟ್ಟುತ
   ಮುಗಿಸಿ ಹೊಸ ಕುಟಿಯನ್ನು ಕರೆದಿಹ
   ಹಗುರ ಮನದಲ್ಲಣ್ಣ ಅತ್ತಿಗೆಯನ್ನೊಳಕೆ ಬರಲು || 4 ||

   Reply
3. 

   Sreelalitha says:

   January 31, 2022 at 11:05 am

   याचितुं दयिताहस्तं प्रयातः पितराविह ।
   विप्रानिव स्तुवे हंजे सद्वितीयः समेहि नः ।।

   “My parents are leaving now to ask for my beloved’s hand (for me). I pray to you as I pray to brāhmaṇas. O Sneeze! Please come to us with a second one!”
   In śakunaśāstra two brāhmaṇas and two sneezes are considered to portend success.

   Reply
4. 

   ML Lakshmi Narasimha Prasad says:

   February 5, 2022 at 12:12 am

   ಅಂದರಿನೀ ದರಿಜೇರ್ಚು ಮಾರಾಜುವೇ!
   ಅದ್ದರಿನಿ ಜೇರ್ಚಮನಿ ಅಡುಗುತುಂಡಾವೇ!
   ನುವು ದಾಟಲೇಕ ಕಾದುಲೇ ರಾಮಯ ತಂಡ್ರಿ
   ನನು ದಯಜೂಡಗ ವಚ್ಚಾವು ರಾಮಯತಂಂಡ್ರಿ!!
   (ತೆಲುಗು ಚಿತ್ರಗೀತೆಯೊಂದರ,ನಿಮ್ಮ ಭಾವವ ಹೋಲುವ, ಸಾಲುಗಳು)

   Reply