ಅವಳ ಕಂಚುಕ, ತೋಳು, ಕೈ, ಬೆರಳುಗಳೆಲ್ಲ ಒಂದೇ ಬಣ್ಣ – Leggings Vs. Armings
ಪಾದ್ಯವೆಂದಿಹುದೀಗ ಲೆಗ್ಗಿಂಗ್ಸು ಸ್ತ್ರೀಯರಿಗೆ
ಇದ್ಯಾವುದಿದು ಭವಿಷ್ಯದ ತೊಡುಗೆಯು?
ಚೋದ್ಯವಾಕೆಯು ತೊಟ್ಟ ಹಸ್ತ್ಯವೆಂಬಾರ್ಮಿಂಗ್ಸು
(ಸ್ವೇದ>sweating)ಸ್ವಿದ್ಯವಾಯ್ತೀಗವಳ ಮೇಲ್ಭಾಗವೂ!!
ಪ್ರಾಸದಲ್ಲಿ ಎರಡುವಿಧ: ಆದಿಪ್ರಾಸ ಹಾಗೂ ಆದ್ಯಕ್ಷರಪ್ರಾಸ. ಆದಿಪ್ರಾಸ ನಿಮಗೆ ತಿಳಿದಿರುವಂತೆ ಪ್ರತಿಪಾದದ ಎರಡನೆಯ ಅಕ್ಷರಕ್ಕೆ ಅನ್ವಯವಾಗುವಂಥದು. ಮಾತ್ರಾ ಹಾಗೂ ಅಂಶ ಛಂದಸ್ಸುಗಳಲ್ಲಿ ಇದು ಲಘುವೋ ಗುರುವೋ ಆಗಬಹುದಾಗಿದೆ. ವೃತ್ತಗಳಲ್ಲಿ ನಿರ್ದಿಷ್ಟವಾಗಿರುತ್ತದೆ. ಆದ್ಯಕ್ಷರಪ್ರಾಸವು ಪ್ರತಿಪಾದದ ಮೊದಲ ಅಕ್ಷರಕ್ಕೆ ಅನ್ವಯಿಸುವಂಥದು. ಅದು ಆರುವಿಧವಾಗಿದೆ:
1. ಅ, ಕ, ವ್ಯ ಇತ್ಯಾದಿ ಲಘ್ವಕ್ಷರದ ಸಿಂಹಪ್ರಾಸ
2. ಯಾ, ರಾ, ದ್ವಾ ಇತ್ಯಾದಿ ಗುರ್ವಕ್ಷರದ ಗಜಪ್ರಾಸ
3. ಕಂ, ಸ್ತಂ ಇತ್ಯಾದಿ ಅನುನಾಸಿಕದ ವೃಷಭಪ್ರಾಸ
4. ಕಃ, ರ್ಮಃ ಇತ್ಯಾದಿ ವಿಸರ್ಗದ ಅಜಪ್ರಾಸ
5. ಮಳ್+ಳೆ, ಅಯ್+ಯ, ಸಗ್+ಗ ಇತ್ಯಾದಿ ಸಜಾತೀಯವ್ಯಂಜನಗಳ ಹಯಪ್ರಾಸ
6. ದಿವ್+ಯ, ಒರ್+ಮೆ (ಸಂಖ್ಯೆ 7ರಲ್ಲಿನ ನನ್ನ ಪದ್ಯವನ್ನು ನೋಡಿ) ಇತ್ಯಾದಿ ವಿಜಾತೀಯವ್ಯಂಜನಗಳ ವೃಷಭಪ್ರಾಸ
ಪದ್ಯವೊಂದರ ಎಲ್ಲ ಪಾದಗಳು ಈ ಆರರಲ್ಲಿ ಒಂದನ್ನು ಉದ್ದಕ್ಕೂ ಪಾಲಿಸಬೇಕು. ನಿಮ್ಮ ಪದ್ಯದಲ್ಲಿ ಮೊದಲ ಐದು ಪಾದಗಳು ಗಜಪ್ರಾಸದವು, ಆದರೆ ಆರನೆಯದು ಸಿಂಹಪ್ರಾಸ. ಸವರಿಸಿ.
ಕೈಯ/ ಹಿಡಿದವ/ಳ ಮರೆ/ತು ತಾನು
ಗೈಯು/ವೆನು ತಪ/ವನೆನು/ತಲಿ ಪತಿ
ರಾಯ/ ಕಟಿಗೊಂ/ಟಿಬ/ಟ್ಟೆ ಕಟ್ಟಿ/ ಬೆಟ್ಟ/ವನೇರಿ/ದನ್|
ಮೈಯ/ಲೊಡವೆಯ/ ಧರಿಸಿ/ ಮಡದಿಯು
ಕೈಯ/ ಮುಗಿಯಲು/ ಒಂಟಿ/ ಕಾಲಿನ
ಲಯವ/ ಮರೆಯುತ/ ನಿಟ್ಟು/ಸಿರ ಬಿಡು/ತ ಕುಂಟ/ತೊಡಗಿ/ದನ್ ||
ಒಳ್ಳೆಯ ಪ್ರಯತ್ನ. ಹಲವು ದೋಷಗಳಿವೆ:
1. /ಳ ಮರೆ/ – ಹೀಗೆ ಗನವಿಭಜನೆಗೆ ಒಂದು ಅಕ್ಷರವು ಉಳಿದುಕೊಂಡರೆ, ಶ್ರುತಿಕಟುವಾಗುತ್ತದೆ. ಎರಡನೆಯ ಪಾದದಲ್ಲಿ /ವೆನು ತಪ/ ಹಾಗೂ /ತಲಿ ಪತಿ/ ಎಂಬಲ್ಲಿ ಈ ಸಮಸ್ಯೆಯಿಲ್ಲ ಎಂಬುದನ್ನು ಗಮನಿಸಿ
2. /ತು ತಾನು/ – ಕಂದಪದ್ಯವನ್ನುಳಿದು, ಮಾತ್ರಾಛಂದಸ್ಸುಗಳಲ್ಲೆಲ್ಲಿಯೂ ಜಗಣ (ನನಾನ) ಅಥವಾ ಲಗಂ (ನನಾ) ಬರಬಾರದು.
3. /ಟಿಬ/ಟ್ಟೆಕಟ್ಟಿ ಎಂಬುದು ವಸ್ತುತಃ /ಟಿಬಟ್/ಟೆಕಟ್ಟಿ. ಇಲ್ಲಿ /ಟಿಬಟ್/ ಎಂಬುದು ಲಗಂ ಆಯಿತು, ಹಾಗೂ ಟೆಕಟ್ಟಿ ಎಂಬುದು ಜಗಣವಾಯಿತು. ಎರಡೂ ಅಸಾಧು
4. /ವನೇರಿ/ ಜಗಣ
5. /ತ ಕುಂಟ/ತೊಡಗಿ/ದನ್ – /ತ ಕುಂಟ/ ಎಂಬುದು ಜಗಣ ಸರಿ. ಆದರೆ ಈ ಗಣದಲ್ಲಿ ಮೂರು ಮಾತ್ರೆಗಳಿರಬೇಕು, ನಾಲ್ಕಲ್ಲ. /ತೊಡಗಿ/ ಎಂಬಲ್ಲಿ ನಾಲ್ಕು ಮಾತ್ರೆಗಳಿರಬೇಕು, ಮೂರಲ್ಲ
ಇವಿಷ್ಟನ್ನುಳಿದು ಮಿಕ್ಕೆಲ್ಲ ಸರಿಯಿದೆ. ಇವನ್ನು ತಿದ್ದುವುದೇ ಕಲಿಕೆಯ ಮಾರ್ಗ. ಬಿಡದೆ ಪ್ರಯತ್ನಿಸಿ. ಇದನ್ನು ತಿದ್ದಿದರೆ ನಿಮ್ಮ ಮುಂದಿನಪದ್ಯವು ಬಹಳವೇ ಸುಧಾರಿಸಿರುವುದನ್ನು ಕಂಡು ಸಂತಸಪಡುವಿರಿ.
ಮಲ್ಲಿಗೆ ನಾತವದಿಲ್ಲಿಗೆ ಹೊಡೆಯುತ್ತೆ ಸಲ್ಲದು ದೂರ ಸರಿ ತಾಯಿ
ಸಲ್ಲದು ದೂರ ಸರಿ ತಾಯಿ ಯಜಮಾನ ಎಲ್ಲಿಗ್ಹೋಗಲಿ ನಾ ನಿನಬಿಟ್ಟು
ಸರಿಯಾಗಿ ಹೇಳಿದಿರಿ. ನಾತವು ದಿಲ್ಲಿಯವರೆಗೆ ಹೊಡೆಯುತ್ತೆಂದರೆ, ಅಷ್ಟು ಹತ್ತಿರನಿಂದವನ ಪಾಡಿನ್ನು…..
ಎಷ್ಟ ಗೈದೊಡಮೊಂಟಿಕಾಲ ಮೇಲ್ನಿಂತು ತಪ
ಕಷ್ಟಮೇ ಕಾಮಮಂ ಮನದೆ ತಡೆಯಲ್|
ದೃಷ್ಟಿ-ನಾಸಿಕಗಳಂ ಮುಚ್ಚುತಲಿ ಮೇಣಿಂದೆ
ಮುಷ್ಟಿಯಿಂ ವಸ್ತ್ರವಂ ತಡೆವುದಾಯ್ತೇಂ!!
ಜಂಟಿಬಾಳಿನ ಯಾತ್ರೆ ಸಾಕೆಂದು ಪತಿರಾಯ
ಒಂಟಿಕಾಲಲಿ ತಪಕೆ ಹಿತ್ತಲಲಿ ನಿಂತ|
ತುಂಟಿಯಾತನ ಸತಿಯು ಮಲ್ಲೆಯಲಿ ಘಮ್ಮೆನಿಸೆ
ಕುಂಟಿದನು ನಾರೀಶ ಕಾಮಾರ್ತನಂತೆ||
ಪು.ತಿ.ನ.ರವರ ಕವಿತೆಯನ್ನು ಆಧರಿಸಿ:
ಮಾತ್ರಾಸೀಸ|| ಮರವೆ ಮಾದರಿ ನಿನಗೆ? ಬಿಡು ಬಿಡೈ ಢಾಂಬಿಕವ, ಎಷ್ಟರವ ನೀನಪೆಯೊ ಮರದ ಮುಂದೆ
ತಲದೆ ಪೀರುತೆ ಕೊಚ್ಚೆ ಮೇಲಗಡೆ ತನಿವಣ್ಣನದು ನೀಡೆ, ನಿನ್ನದೋ ತದ್ವಿರುದ್ಧಂ|
ಕೊಳೆತು ನಾರುವೆ ನೀನು ಹೆಣವಾಗಿ ಒಂದೊಮ್ಮೆ, ಸತ್ತೊಡಂ ಗಂಧಿಯಾ ತರುವು ಕೇಳೈ
ತನಗೆಂದು ಬಾಳದದು, ಅದರಿನಾರ್ಗಿಲ್ಲ ಹೊಲೆ, ಮರಕೆ ಬೇಕಿಲ್ಲವಾರುಪಕಾರವೂ||
ತೇಟಗೀತಿ|| ಕೈಯೊಳ್(ಕೊಂಬೆ) ಪಿಡಿದಿದೆ ಛದವನು(ಎಲೆ) ಮರವೆಂದೆನುತುಂ
ನೀನುಮಂತೆಯೆ ಉದ್ಯುಕ್ತನಾಗಲೇಕೈ|
ಬೇಡೈ, ವಸ್ತ್ರವ ಕಳಚುತ್ತೆ ಹಿಡಿದೊಡೀಗಳ್
ಕರದೆ, ಗಹಗಹ ನಗುವರು ಸುಳಿವ ಜನರು||
ಆತನಿಗೇನೋ ವೈರಾಗ್ಯದ ಪ್ರಯತ್ನ ಅಂದರೆ ನೀವ್ಯಾಕೆ ಆಕೆಯನ್ನು ಮರೆತಿರಿ?
ಪ್ರಯತ್ನದ ಹಂತದಲ್ಲಿದ್ದಾನೆನ್ನುವ ನಿಮ್ಮ ಮಾತೇ ಮುದಾವಹ. ಅವನಿಂದ ವೈರಾಗ್ಯವು ಸಾಧಿತವಾಗುತ್ತಲೆ ದಯವಿಟ್ಟು ತಿಳಿಸಿ, ಆಗ ಆಕೆಯನ್ನು ನೆನೆಸಿಕೊಳ್ಳುತ್ತೇನೆ 😉
ಅನಸೂಯಳವಳ ತನುವಿಂ
ಮನದಾಳದ ಗೌರವರ್ಣಮದು ಪಸರುದ ಕಾಣ್
ಜಿನನವನತ್ರಿಯ ಮುಗಿದ ನ-
ಯನದೊಳ್ ಮೇಣ್ ಬ್ರಹ್ಮರಂದ್ರವಂ ಭೇದಿಪುದುಂ ||
ಸತಿ ಅನಸೂಯಳ ನಿರ್ಮಲವಾದ ಕಾಂತಿ ಅತ್ರಿ ಮುನಿಯ ಜಪದಲ್ಲಿ ಮುಚ್ಚಿದ ಕಣ್ಣನ್ನು ತುಂಬಿ ,ಬ್ರಹ್ಮ ರಂಧ್ರವನ್ನು ಭೇದಿಸಿ ಹೊರಹೊಮ್ಮುತ್ತಿದೆ – ಎನ್ನುವ ಕಲ್ಪನೆ
ವ್ಯಾಕರಣ ಎಡವಿದೆ. ಪಸರ್ಪುದು ಇರಬೇಕು.
ಧನ್ಯವಾದಗಳು ಜೀವೆಂ , ಸರಿಪಡಿಸಲು ಪ್ರಯತಿಸಿದ್ದೇನೆ
ಅನಸೂಯಳವಳ ತನುವಿಂ
ಮನದಾಳದ ಗೌರವರ್ಣಮೊಸರಿರ್ಪುದು ಕಾಣ್
ಜಿನನವನತ್ರಿಯ ಮುಗಿದ ನ-
ಯನದೊಳ್ ಮೇಣ್ ಬ್ರಹ್ಮರಂದ್ರವಂ ಭೇದಿಪುದಂ ||
ಅವಳ ಕಂಚುಕ, ತೋಳು, ಕೈ, ಬೆರಳುಗಳೆಲ್ಲ ಒಂದೇ ಬಣ್ಣ – Leggings Vs. Armings
ಪಾದ್ಯವೆಂದಿಹುದೀಗ ಲೆಗ್ಗಿಂಗ್ಸು ಸ್ತ್ರೀಯರಿಗೆ
ಇದ್ಯಾವುದಿದು ಭವಿಷ್ಯದ ತೊಡುಗೆಯು?
ಚೋದ್ಯವಾಕೆಯು ತೊಟ್ಟ ಹಸ್ತ್ಯವೆಂಬಾರ್ಮಿಂಗ್ಸು
(ಸ್ವೇದ>sweating)ಸ್ವಿದ್ಯವಾಯ್ತೀಗವಳ ಮೇಲ್ಭಾಗವೂ!!
ಚರ್ಮಽದಽ ಸೆಳೆತಽವಽ ನಿರ್ಮೂಲಽಗೈದಂಗೆಽ
ಕೂರ್ಮೆಽಯಿಽದೇನೋ ಸನ್ಯಾಸಿಽ| ಪೇಳುಽ ನೀ-
ನೊರ್ಮೆಽ ವೈಯಾಘ್ರಽ*ದೊಳಗುಟ್ಟಽ||
*ವೈಯಾಘ್ರ=ವ್ಯಾಘ್ರಚರ್ಮ. ವಿಪರ್ಯಾಸವಾಗಿ Viagra ಎಂದೂ ಓದಿಕೊಳ್ಳಬಹುದು
ಕೈಯ ಹಿಡಿದವಳ ಮರೆತು ತಾನು
ಗೈಯುವೆನು ತಪವನೆನುತಲಿ ಪತಿ
ರಾಯ ಕಟಿಗೊಂಟಿಬಟ್ಟೆ ಕಟ್ಟಿ ಬೆಟ್ಟವನೇರಿದನ್|
ಮೈಯಲೊಡವೆಯ ಧರಿಸಿ ಮಡದಿಯು
ಕೈಯ ಮುಗಿಯಲು ಒಂಟಿ ಕಾಲಿನ
ಲಯವ ಮರೆಯುತ ನಿಟ್ಟುಸಿರ ಬಿಡುತ ಕುಂಟತೊಡಗಿದನ್ || (ಭಾ)
ಪ್ರಾಸದಲ್ಲಿ ಎರಡುವಿಧ: ಆದಿಪ್ರಾಸ ಹಾಗೂ ಆದ್ಯಕ್ಷರಪ್ರಾಸ. ಆದಿಪ್ರಾಸ ನಿಮಗೆ ತಿಳಿದಿರುವಂತೆ ಪ್ರತಿಪಾದದ ಎರಡನೆಯ ಅಕ್ಷರಕ್ಕೆ ಅನ್ವಯವಾಗುವಂಥದು. ಮಾತ್ರಾ ಹಾಗೂ ಅಂಶ ಛಂದಸ್ಸುಗಳಲ್ಲಿ ಇದು ಲಘುವೋ ಗುರುವೋ ಆಗಬಹುದಾಗಿದೆ. ವೃತ್ತಗಳಲ್ಲಿ ನಿರ್ದಿಷ್ಟವಾಗಿರುತ್ತದೆ. ಆದ್ಯಕ್ಷರಪ್ರಾಸವು ಪ್ರತಿಪಾದದ ಮೊದಲ ಅಕ್ಷರಕ್ಕೆ ಅನ್ವಯಿಸುವಂಥದು. ಅದು ಆರುವಿಧವಾಗಿದೆ:
1. ಅ, ಕ, ವ್ಯ ಇತ್ಯಾದಿ ಲಘ್ವಕ್ಷರದ ಸಿಂಹಪ್ರಾಸ
2. ಯಾ, ರಾ, ದ್ವಾ ಇತ್ಯಾದಿ ಗುರ್ವಕ್ಷರದ ಗಜಪ್ರಾಸ
3. ಕಂ, ಸ್ತಂ ಇತ್ಯಾದಿ ಅನುನಾಸಿಕದ ವೃಷಭಪ್ರಾಸ
4. ಕಃ, ರ್ಮಃ ಇತ್ಯಾದಿ ವಿಸರ್ಗದ ಅಜಪ್ರಾಸ
5. ಮಳ್+ಳೆ, ಅಯ್+ಯ, ಸಗ್+ಗ ಇತ್ಯಾದಿ ಸಜಾತೀಯವ್ಯಂಜನಗಳ ಹಯಪ್ರಾಸ
6. ದಿವ್+ಯ, ಒರ್+ಮೆ (ಸಂಖ್ಯೆ 7ರಲ್ಲಿನ ನನ್ನ ಪದ್ಯವನ್ನು ನೋಡಿ) ಇತ್ಯಾದಿ ವಿಜಾತೀಯವ್ಯಂಜನಗಳ ವೃಷಭಪ್ರಾಸ
ಪದ್ಯವೊಂದರ ಎಲ್ಲ ಪಾದಗಳು ಈ ಆರರಲ್ಲಿ ಒಂದನ್ನು ಉದ್ದಕ್ಕೂ ಪಾಲಿಸಬೇಕು. ನಿಮ್ಮ ಪದ್ಯದಲ್ಲಿ ಮೊದಲ ಐದು ಪಾದಗಳು ಗಜಪ್ರಾಸದವು, ಆದರೆ ಆರನೆಯದು ಸಿಂಹಪ್ರಾಸ. ಸವರಿಸಿ.
ಕೈಯ/ ಹಿಡಿದವ/ಳ ಮರೆ/ತು ತಾನು
ಗೈಯು/ವೆನು ತಪ/ವನೆನು/ತಲಿ ಪತಿ
ರಾಯ/ ಕಟಿಗೊಂ/ಟಿಬ/ಟ್ಟೆ ಕಟ್ಟಿ/ ಬೆಟ್ಟ/ವನೇರಿ/ದನ್|
ಮೈಯ/ಲೊಡವೆಯ/ ಧರಿಸಿ/ ಮಡದಿಯು
ಕೈಯ/ ಮುಗಿಯಲು/ ಒಂಟಿ/ ಕಾಲಿನ
ಲಯವ/ ಮರೆಯುತ/ ನಿಟ್ಟು/ಸಿರ ಬಿಡು/ತ ಕುಂಟ/ತೊಡಗಿ/ದನ್ ||
ಒಳ್ಳೆಯ ಪ್ರಯತ್ನ. ಹಲವು ದೋಷಗಳಿವೆ:
1. /ಳ ಮರೆ/ – ಹೀಗೆ ಗನವಿಭಜನೆಗೆ ಒಂದು ಅಕ್ಷರವು ಉಳಿದುಕೊಂಡರೆ, ಶ್ರುತಿಕಟುವಾಗುತ್ತದೆ. ಎರಡನೆಯ ಪಾದದಲ್ಲಿ /ವೆನು ತಪ/ ಹಾಗೂ /ತಲಿ ಪತಿ/ ಎಂಬಲ್ಲಿ ಈ ಸಮಸ್ಯೆಯಿಲ್ಲ ಎಂಬುದನ್ನು ಗಮನಿಸಿ
2. /ತು ತಾನು/ – ಕಂದಪದ್ಯವನ್ನುಳಿದು, ಮಾತ್ರಾಛಂದಸ್ಸುಗಳಲ್ಲೆಲ್ಲಿಯೂ ಜಗಣ (ನನಾನ) ಅಥವಾ ಲಗಂ (ನನಾ) ಬರಬಾರದು.
3. /ಟಿಬ/ಟ್ಟೆಕಟ್ಟಿ ಎಂಬುದು ವಸ್ತುತಃ /ಟಿಬಟ್/ಟೆಕಟ್ಟಿ. ಇಲ್ಲಿ /ಟಿಬಟ್/ ಎಂಬುದು ಲಗಂ ಆಯಿತು, ಹಾಗೂ ಟೆಕಟ್ಟಿ ಎಂಬುದು ಜಗಣವಾಯಿತು. ಎರಡೂ ಅಸಾಧು
4. /ವನೇರಿ/ ಜಗಣ
5. /ತ ಕುಂಟ/ತೊಡಗಿ/ದನ್ – /ತ ಕುಂಟ/ ಎಂಬುದು ಜಗಣ ಸರಿ. ಆದರೆ ಈ ಗಣದಲ್ಲಿ ಮೂರು ಮಾತ್ರೆಗಳಿರಬೇಕು, ನಾಲ್ಕಲ್ಲ. /ತೊಡಗಿ/ ಎಂಬಲ್ಲಿ ನಾಲ್ಕು ಮಾತ್ರೆಗಳಿರಬೇಕು, ಮೂರಲ್ಲ
ಇವಿಷ್ಟನ್ನುಳಿದು ಮಿಕ್ಕೆಲ್ಲ ಸರಿಯಿದೆ. ಇವನ್ನು ತಿದ್ದುವುದೇ ಕಲಿಕೆಯ ಮಾರ್ಗ. ಬಿಡದೆ ಪ್ರಯತ್ನಿಸಿ. ಇದನ್ನು ತಿದ್ದಿದರೆ ನಿಮ್ಮ ಮುಂದಿನಪದ್ಯವು ಬಹಳವೇ ಸುಧಾರಿಸಿರುವುದನ್ನು ಕಂಡು ಸಂತಸಪಡುವಿರಿ.
ತಿಳಿಹೇಳಿದ್ದಕ್ಕೆ ಧನ್ಯವಾದಗಳು.
೫. ತ ಕುಂ/ಟತೊಡಗಿ/ದನ್ ಎಂದು ವಿಭಜನೆ ಮಾಡಬಹುದಲ್ಲವೇ?
ಆದರೂ ಲಗಂ ಬರುತ್ತದೆ
yes
ಕೈಯ ಹಿಡಿದಾಕೆಯನು ಮರೆಯುವೆ
ಗೈಯುವೆನು ತಪವನೆನುತಲಿ ಪತಿ
ರಾಯ ಗಿರಿಯೇರಿದನರಿವೆಯೊಂದರಲಿ ಮೆರೆಯುತಲಿ|
ಮೈಯಲೊಡವೆಯ ಧರಿಸಿ ಮಡದಿಯು
ಕೈಯ ಮುಗಿಯಲು ಲಯವ ಮರೆಯುತ
ಮಾಯೆಯ ಸುಳಿಗೆ ಸಿಲುಕಿ ಕುಂಟಿದ ನಿಟ್ಟುಸಿರ ಬಿಡುತ ||(ಭಾ)
ಆದಷ್ಟು ಸರಿಪಡಿಸಿರುವೆ.
/ಯ ಸುಳಿಗೆ/ ಎಂಬಲ್ಲಿ ಶ್ರುತಿಕಟುತ್ವವಿದೆ. ’ಮಾಯೆಯಾವರ್ತಕ್ಕೆ ಸಿಲುಕುತೆ ಕುಂಟಿ ನಿಡುಸುಯ್ದಂ’ ಎಂದು ಸವರಬಹುದು. ನೀವು ಬೇರೆಯದೇ ಸವರಣೆ ಮಾಡಿ.
ಮಾಯೆಯೊಳಗಡೆ ಸಿಲುಕಿ ಕುಂಟಿದ ನಿಟ್ಟುಸಿರ ಬಿಡುತ||
ಇದೀಗ ಸರಿಹೋಯ್ತು. ಅಭಿನಂದನೆಗಳು.
:):)
ಕರಮುಗಿದು ನಿಲ್ಲಲೇತಕೆ ಹಿಂಬದಿಯೊಳಂತು
ಭರತನೃತ್ಯವ ಮಾಡು ಅವನೆದುರಿನೊಳ್|
ವರಕೌಶಿಕನೆ ವಾರಿಸದೆ ಪೋದ ಪೆಣ್ಕಣ್ಣ
ಕರಗಲೇಬೇಕಿವನುಮಿವನಪ್ಪನುಂ||
ಮರುಳೇ! ಬೇಡುವುದೇಕೆ ನೀಂ ಮುನಿಯನಿನ್ನೇಗೈದೊಡಂ ವ್ಯರ್ಥಮಾ
ಮರನ೦ತಿರ್ಪನು ತನ್ಮನ೦ ಬಗೆದೊಡಂ ನಿತ್ಯಂ ಸಮಾಧಿಸ್ಥಿತಂ
ಖರಚಿತ್ಪ್ರೋದ್ಧತತಪ್ತವಹ್ನಿಯದು ಪಾರ್! ಕಾಮಾಂಧಳೇ ಕಳ್ಗಿ ಪೋ
ಪೆ! ರವಂ ಸಲ್ಲದು ಪೋ! ಮಹಂತನವನ್ಯುದ್ಧಾರಕ್ಕೆ ನಿಂತಿರ್ಪನೌ!!
ಖರಚಿತ್ಪ್ರೋದ್ಧತ? ಪಾರ್? ನ್ಯುದ್ಧಾರಕ್ಕೆ?
ಖರ-ಕತ್ತೆ ಅಲ್ಲ, ತೀಕ್ಷ್ಣವೆಂಬರ್ಥ. ಅವನಿ+ಉದ್ಧಾರ=ಅವನ್ಯುದ್ಧಾರ, ಪಾರ್=ನೋಡು/ಹಾರು(ರ ಅರ್ಧಾಕ್ಷರ-(ಇಲ್ಲಿ -ನೋಡು))
ಗವಿಯಂ ಸೇರಿರೆ ವಂಶಮಂ ಬಿಡುತೆ ಪೊಂದುತ್ತಿಂತು ಸನ್ಯಾಸಮಂ
ತವೆಯಾಗಳ್ ಸಮನುಜ್ಞೆಯಂ ದಯಿತಳಿಂದಾವಶ್ಯದಿಂ ಪೊಂದಿಪಂ|
ನೆವಮೇನಿರ್ಪುದೊ ಈಗಳಾತನೊಳವಳ್ ಸಾರಲ್ ರಮಾಕಾಂಕ್ಷೆಯಿಂ
ಧವನಂ ಕಾಡುವುದಂದುಮಿಂದುಮಕಟಾ ಪೇಳ್ ಸಾಧ್ವಿ ದಲ್ ಸಾಧುವೇಂ||
🙂
ಚಿತ್ರದಲ್ಲಿ ಬಾಗಿಲು ಇದೆಯೇ ಹೊರತು ಮನೆಯಿಲ್ಲ..ಹಾಗಾಗಿ ಅಲ್ಲಿರುವ ಹೆಣ್ಣೂ ತಪಸ್ಸು ಮಾಡುತ್ತಿರುವವನ ಕಲ್ಪನೆಯೆಂದು ಭಾವಿಸಿ ಈ ಪದ್ಯ
ನವರಂಧ್ರಂಗಳನೆಲ್ಲಮಂ ತಡೆಯುತುಂ ಕಾಡೊಳ್ ತಪಂಗೈಯುತುಂ
ಭವಮಂ ಮೀರಿದೆನೆಂದೊಡೇಂ?ಬಯಕೆಯಂ ಮೀರಲ್ಕಶಕ್ತಂ ಪರಾ-
-ಭವಮಂ ಪೊಂದುತೆ ಬಾಳ್ಕೆಯೊಳ್ ಬಿಳುವನಾ ಗರ್ವಿಷ್ಠ ಧರ್ಮಾಂಧ ಕೌ-
-ರವ ರಾಜೇಂದ್ರನೆ ಬಿಳ್ದವೊಲ್ ಜಗುಳುತುಂ ನೀರೊಳ್ ಸಭಾಮಧ್ಯದೊಳ್