Mar 122018
 

  8 Responses to “ಪದ್ಯಸಪ್ತಾಹ ೨೯೮: ಚಿತ್ರಕ್ಕೆ ಪದ್ಯ”

  1. ಬಿರುಸಿನಿಂದಾಚರಿಪ ಹೋಲಿಪಬ್ಬದ ಪಟದೆ
    ಬರಿದೆ ಕೈಗಳಿದೇಕೆ ಎಂದುಕೊಂಡೆ|
    ಕರಿಬಿಳಿಯ ವಸ್ತ್ರಗಳ ಕಂಡು ತೋಳುಗಳಲ್ಲಿ
    ಭರವಸೆಯು ಮೂಡಿ ಪರಿಹೃತವು ಶಂಕೆ||

  2. ಏನೆಲ್ಲಮಂ ರಾಜಕೀಯಕ್ಕೆ ಬಳಸುವರು
    ಐನಾತಿಹಬ್ಬಗಳ ಬಿಡುವರೇನೈ|
    ಊನಾಪಿಕಾಂಗ್ರೆಸ್ಸು ಹೋಲಿಯಂ ಬಳಸಿಹುದು
    ಭಾನಗಡಿಗಳ ಮುಚ್ಚೆ ತನ್ನದೆಲ್ಲಂ||

  3. ಹಾರಿಹಿಡಿಯುವೆವು ಕಾಮಚಾಪವನು ನಾವೆನುತ್ತೆ ಜನರು
    ತೂರಿ ಕೈಗಳನು ಬಾನಿನೆಡೆಗೆ ಬಿಟ್ಟಿರಲು ಮರುಳರವರು
    ಬೀರಿ ಬಣ್ಣಗಳ ಸೇರಿ ಹೋದುದಾ ಬಿಲ್ಲು ಕೈಗಳೊಳಗೆ
    ನೂರು ಭಾವಗಳ ಬಿತ್ತಿ ನಿಂತಿತೀ ಮನದ ಭಿತ್ತಿಯೊಳಗೆ

  4. ಪರಿಪಾಟಮಿದು ಹೋಳಿಹಬ್ಬಕಿದೊ ಪರಿಕರಣ
    ಪರಿಪರಿಯ ಬಣ್ಣಮನೆ ಬಳಿಯೆ ಕಾಣು ।
    ಪರಿಕಿಸುವ ತವಕಮೇತಕೆ ಬೆರೆತ ಬಣ್ಣನೆಗೆ
    ಪರಿಣಯಿಸುದೋಕುಳಿಗೆ ಕೇಸರಿಯ ಬಾನು ।।

  5. ಮಞ್ಜುಭಾಷಿಣಿ|| ಎನಿತಿದ್ದೊಡೇನಹುದು ಬಣ್ಣಬಣ್ಣಗಳ್
    ಬನಿಯಿದ್ದವೋಲಹುದು ಕೊಚ್ಚೆಗುಂಡಿಯೊಳ್|
    (God)ಬೆನಕಂಗೆ ಬಣ್ಣದಲರೆಷ್ಟದಿದ್ದೊಡೇಂ
    ಮಿನುಗಿರ್ಪ ಶ್ವೇತಸುಮಮಿಲ್ಲದಿರ್ದೊಡೈ||

  6. ಬಯಕೆಗಳವೊಲೆ ನೂರು ನೂರಿಹವು ಬಣ್ಣಗಳು
    ನಯನಗಳ ಸಳೆಯುತಲೆ ಬಗೆಬಗೆಗಳಿಂ
    ಹಯವಾಗಿಪುವು ಮನವ ಹಾರಿಸುತೆ ಗಾಳಿಯಲಿ
    ನಿಯಮಂಗಳೆಲ್ಲಮಂ ಮೀರಿಸುವುವು

  7. These colours are transitory
    ಪಕಳೆ, ಚಿಟ್ಟೆಯು, ಕಪೋತ-ಮಯೂರ-ಶುಕಗಳೀ (ಶುಕಗಳ+ಈ)
    ಪ್ರಕೃತಿಗೇ ಸ್ಪರ್ಧೆಯೆಂಬುವವೋಲು ನೀಂ|
    ವಿಕೃತವರ್ಣಗಳ ಲೇಪಿಸಿಕೊಂಡೊಡೇನಹುದು
    ಶಕೆಸಾಸಿರಂಗಳವು ನಿಲ್ಲುವುವೆ ಪೇಳ್||

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)