Jul 032018
 

೧. ಮಾಲಿನೀಛಂದಸ್ಸಿನ ಸಮಸ್ಯೆಯನ್ನು ಪರಿಹರಿಸಿರಿ

ಫಲದೆ ಮೆರೆದ ಕಯ್ಪೇ ಸರ್ವದಾಸ್ವಾದನೀಯಂ

೨. ದೃತವಿಲಂಬಿತದ ಸಮಸ್ಯೆಯಸಾಲನ್ನು ಪೂರ್ಣಮಾಡಿರಿ

ಇರುಳ ನೇಸರನಾತಪದಂತೆ ದಲ್

  8 Responses to “ಪದ್ಯಸಪ್ತಾಹ ೩೧೪: ಸಮಸ್ಯಾಪೂರಣ”

  1. ಬಲು ಬಗೆಯ ಪರಿಪ್ರಾಸಂಗಳಂ ಪೊಲ್ವ ತ್ರಾಸಂ
    ಸಲೆ ಬಗೆಯಲಲಂಕಾರಂ ಗಡಾ ಬಲ್ವೆ ಭಾಸಂ
    ನೆಲೆ ನಿಲಿಸೆನೆ ಛಂದೋಬದ್ಧ ಪದ್ಯಂಗಳಂ ಮೇಣ್
    ಫಲದೆ ಮೆರೆದ ಕಯ್ಪೇ ಸರ್ವದಾ ಸ್ವಾದನೀಯಂ ||

    ಪ್ರಾಸಗಳನ್ನು ಹೊಂದಿಸುವ ತ್ರಾಸ / ಹೆಚ್ಚಾಗಿ ಅಲಂಕಾರವನ್ನು
    ತರಲೇ ಬೇಕಾದ ಪ್ರತೀತಿ – ಆದರೂ ಛಂದೋಬದ್ಧ ಪದ್ಯ ರಚನೆ ತರುವ ಆನಂದದ ಬಗೆಗಿನ ಪದ್ಯ !!

  2. ಆಯುರ್ವೇದದ ಪ್ರಕಾರ ಷಡ್ರಸಗಳು: ಮಧು/ಸ್ವಾದು, ಅಮ್ಲ/ಹುಳಿ, ಲವಣ/ಉಪ್ಪು, ಕಟು, ತಿಕ್ತ/ಕಯ್ಪು, ಕಷಾಯ
    ಕೆಲವದಿಹವು ನೋಡಲ್ ಸ್ವಾದಗಳ್: ಸ್ವಾದು ಮೇಣಿಂ
    ನುಲಿವ ಪುಳಿಯುಂ,+ಉಪ್ಪುಂ, ತಾಂ ಕಷಾಯಂ ಗಡಿನ್ನಾ|
    (ಪುದೀನಾ)ಎಲೆಯ ಕಟುವದೆಲ್ಲಂ ಸ್ವಾದ್ಯಮೆಂತೋ ಮಗುಳ್ ಕೇಳ್
    (ಹಾಗಲ)ಫಲದೆ ಮೆರೆದ ಕಯ್ಪೇ ಸರ್ವದಾಸ್ವಾದನೀಯಂ||

  3. ವರ> ವರೀಯಾನ್> ಹಿರಿಯ
    ಕಿರಿಯ ಮೇಣ್ ವರಸೋದರಭಾವಮುಂ
    ದೊರೆಯ ಧಾರ್ಮಿಕಶಾಸನತೋಷಮುಂ|
    ನೆರೆಯರೊಳ್ ಬಹುಮೋದಮು ಸೌಖ್ಯಮೈ
    ಇರುಳ ನೇಸರನಾತಪದಂತೆ ದಲ್||

  4. ಬರಿದೆ ನೆಚ್ಚುತಲೀಯಿರವಂ ದಿನಂ
    ಮರುಳುಗಾಣುವವಂ ನರನೆನ್ನತಾ-
    ನರಿಯೆ ಕಣ್ಣೆವೆಯಂ ಮಡಿಚಿರ್ಪುದಿಂ-
    ತಿರುಳ ನೇಸರನಾ “ತಪ “ದಂತೆ ದಲ್ !!

    ಕಣ್ಣಿಗೆ ಕಂಡದ್ದನ್ನು ನೆಚ್ಚುವ ಮಾನವ , ತಾನಾರೆಂದು ತಿಳಿಯಲು ಕಣ್ಣ ಮುಚ್ಚಿರುವುದು – ದಿನದಲ್ಲಿ ಕಂಗೊಳಿಸುವ ಸೂರ್ಯ ರಾತ್ರಿಯಲ್ಲಿ ಆಚರಿಸುವ ತಪಸ್ಸಿನಂತೆ ಕಂಡ ಕಲ್ಪನೆಯ ಪದ್ಯ

  5. ಉರುಳುತಿಂತುರಿವೀ ಭುವಿತಾಂ ಗಡಾ
    ಬೆರಗು ಗುಂಡೊಲು ಹತ್ತುತಲಾರುದುಂ
    ಸರದಿಯೊಳ್, ಬೆಳಗಿಂ ಬಗೆ ಬೈಗ ಮೇ –
    ಣಿರುಳ ನೇಸರನಾತಪದಂತೆ ದಲ್ ||

    ಸುತ್ತುತ್ತಿರುವ on & off bulb ನಂತೆ ಭೂಮಿ ಎಂಬ ಕಲ್ಪನೆ – ಇದು ಬೆಳಗು , ಸಂಜೆ & ರಾತ್ರಿಯ ಸೂರ್ಯನ ಕಾಂತಿಯ ಪ್ರಭಾವವಲ್ಲದೆ ಮತ್ತೇನು ?!

  6. ಕಲಹಮೆನುವ ಕಯ್ಪಂ ನಿತ್ಯಮುಂ ನುಂಗುತುಂ ತಾವ್
    ಕಲೆತು ಬದುಕಿ ಬಾಳೊಳ್ ಕಂಡಿರಲ್ ಪ್ರೀತಿಯೆಂಬೀ
    ಜಲಜಕುಸುಮಮಂ, ಪಂಕೇಜಮಂ ಕಂಡವೋಲ್ ಆ
    ಫಲದೆ ಮೆರೆದ ಕಯ್ಪೇ ಸರ್ವದಾಸ್ವಾದನೀಯಂ

    ಸಂಸಾರದ ಕಲಹಗಳನ್ನು ಮೀರಿದಾಗ ಸಿಗುವ ಸಂತೋಷದಲ್ಲಿ ಆ ಕಲಹಗಳೂ ಸವಿನೆನಪುಗಳಾಗುತ್ತವೆ ಅನ್ನುವ ಪ್ರಯತ್ನ

Leave a Reply to Usha Cancel reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)