ಪದ್ಯಸಪ್ತಾಹ ೩೧೫: ವರ್ಣನೆ

  5 Responses to “ಪದ್ಯಸಪ್ತಾಹ ೩೧೫: ವರ್ಣನೆ”

1. 

   Usha says:

   July 11, 2018 at 12:07 am

   ವಿನೋದವಾಗಿ !!

   ಬಲು ಚತುರಂ ಗಜವದನಂ
   ಸಲುವಳಿ ಕಾಣ್ ಸಿದ್ಧಿಬುದ್ಧಿಯೆನುವಾನೆಗಳಂ
   ಭಲ! ತಾಂ ಪಾಣಿಗ್ರಹಿಸಲ್
   ಪಲವೆಣಿಕೆಯೊಳೆ ಧರಿಸಿರ್ಪ ಪಾಶಾಂಕುಶವಂ !!

   ಗಜಮುಖ ತಾನೇ “ಅಂಕುಶ ” ಹಿಡಿದಿರುವ ಔಚಿತ್ಯದ ಕಲ್ಪನೆಯ ಪದ್ಯ !!

   Reply
   • 

     ಹಾದಿರಂಪ says:

     July 12, 2018 at 9:56 pm

     ಘನವಾದ ಕಲ್ಪನೆ!

     Reply
     • 

       Usha says:

       July 14, 2018 at 7:01 pm

       ಧನ್ಯವಾದಗಳು ಪ್ರಸಾದ್ ಸರ್,

       ಪ್ರಾಸ ಹೊಂದುವಂತಿದ್ದರೂ “ಇಲಿ”ಯನ್ನು ತರಲಾಗಿರಲಿಲ್ಲ, ಹಾಗಾಗಿ ಈ ಪದ್ಯ !!

       ಸಂಕೆಯಾದುsದೆಮಗೆ ವಂಕುಬಾಲದ ಸುಂಡ-
       ದಂಕವಣೆ ನಿನಗೆಂತು ಸಮವೊ ಟೊಣಪ !
       ತಂಕ, ಆನೆದಲೆಗಂ ! ಅಂಕಿಯಿಡಲಿಲಿಗಿಂತು
       ಅಂಕುಸವ ಪಿಡಿದುsದು ತರವೆ ಗಣಪ !!

       ಅಂಕವಣೆ = ಆಸನ , ತಂಕ = ಜಾಣ

       Reply
2. 

   ಹಾದಿರಂಪ says:

   July 12, 2018 at 10:26 pm

   ಪರಶುರಾಮನು ರಾಮನ ಅವತಾರನೇ. ಕೋಪಪ್ರತೀಕನಾದ ಅವನನ್ನು ಪರಾಭವಗೊಳಿಸುವುದೆಂದರೆ, ರಾಮನು ತನ್ನ ಕೋಪವನ್ನು ತಾನೇ ಗೆದ್ದಂತೆ.
   ರುಚಿರಾ|| ನಿಜಾವತಾರವುಮದು* ರಾಮನಿಂಗೆ ಕೇಳ್
   ಸಜೀವದಿಂ ಕೊಲುವನೆ ತನ್ನ ತಾನೇ ಪೇಳ್?
   ಪ್ರಜಾಗರಂಗೊಳುತಲಿ ಗೆದ್ದು ಕೋಪಮಂ
   ವೀಜೇತನಪ್ಪೊಲುಮದು ಸಂಜ್ಞೆಯಲ್ಲಮೇಂ??
   *ಅದು=ಪರಶುರಾಮಾವತಾರ

   Reply
3. 

   ಅನಂತಕೃಷ್ಣ says:

   July 14, 2018 at 12:07 pm

   ಅಂಕದಲ್ಲಿ ಕಾದಾಡಿ ವೈರಿಕುಕ್ಕುಟಕ್ಕೆ ವೀರಮರಣವನ್ನಿತ್ತರೂ ತಾನು ಒಡೆಯನಿಗೆ ಭೋಜನವಾದ ಹುಂಜನ ಬಗ್ಗೆ
   ಭಾಮಿನಿ

   ಧರಿಸಿ ಶಿರದೊಳು ನಿಜಕಿರೀಟವ-
   -ನಿರಿಸಿ ಕಾಲೊಳು ನಿಶಿತಖಡ್ಗವ-
   -ನುರಿವ ಬಿಸಿಲನು ಲೆಕ್ಕಿಸದೆ ಕಾದಾಡಿ ಕದನದೊಳು
   ಇರಿದು ವೈರಿಯನಿಕ್ಕಿ ಬೊಬ್ಬಿರಿ-
   -ದುರವನುಬ್ಬಿಸಿ ಮೆರೆದೊಡೆಯುತಾ-
   -ನರಿಯ ಜೊತೆಯಲೆ ಸೇರಿದನು ತನ್ನೊಡೆಯನುದರವನು

   ಪಂ ಮಾ ಚೌ
   ಹಾರಾಡಿ, ಚೀರಾಡಿ, ಚಿಮ್ಮಿ ಛಂಗನೆ ನಭಕೆ,
   ವೀರಮರಣವನಿತ್ತು ವೈರಿಕುಕ್ಕುಟಗಂ
   ಬೀರಿ ಜಂಭದ ನಗೆಯ ಜಯಘೋಷ ಮೊಳಗಿಸಿರೆ
   ಭೂರಿಭೋಜನವಾದನೊಡೆಯಂಗೆ ತಾಂ

   Reply