ನೀಲಕಂಠ, ಇದು ಉ(ಪನಿ)ಷತ್ ವಾಕ್ಯ ಅಷ್ಟೇ !!
ಚಿತ್ರದಲ್ಲಿನ ನೃತ್ಯಭಂಗಿಗೆ ಗರ್ಭಾವಸ್ಥೆಯನ್ನು ಹೋಲಿಸಿ ಬರೆದ ಪದ್ಯ. ವರ್ಣಮಯ ಕರಗಳ ” ಜೋಡಣೆ ಕ್ರಮ” ಮತ್ತು ಅವುಗಳ “ಸಂಖ್ಯೆ” ಆಧಾರಿತ ಚೌಪದಿ . ತಿಂಗಳಿಗೆ ಒಬ್ಬರಂತೆ ಒಂಬತ್ತು ತಾಯಂದಿರ (ನವಮಾತೃಕೆಯರ) ಒಂಬತ್ತು ಜೊತೆ ಕರಗಳ ವಿನ್ಯಾಸ – ಮಧ್ಯದಲ್ಲಿ ಮೊದಲತಿಂಗಳ ಗರ್ಭ ಸ್ಥಾಪನೆ ಒಂದು ಜೊತೆ ಕರದೆ ಸಂದ ಕೋನಾಕಾರದಲ್ಲಿ – ಸುತ್ತಲೂ ಏಳು ತಿಂಗಳ (ಮಾಸಾನುಮಾಸದ) ಆರೈಕೆ – ಏಳು ಜೊತೆ ಕರಗಳಲ್ಲಿ , ಒಂಬತ್ತನೇ ತಿಂಗಳ ಪೂರ್ಣತೆಗೆ ಎಡದಲ್ಲಿರುವ “ಒಂಟಿ” ಹಸ್ತದ ಜೊತೆಗೆ ಸುಪ್ತ ಬಲಹಸ್ತವಿರುವುದು ಎಂಬ ಆಶಯ !!
ಪದ ಜೋಡಣೆಯಲ್ಲಿ ಫಲಿಸಲಿಲ್ಲವೇನೋ ?!
ಕರಮಧುಕರಂಗಳಿಂದೀ-
-ವರಮುಖಮಂ ಮುತ್ತಲೆಂದು ಬಂದಿರಲೀಗಳ್
ಸರಸತೆಯಿಂದರಳುತೆ ಕೇ-
-ಸರಮಂ ಮೇಲೆತ್ತಿ ನೀಳ್ದ ಸೊಬಗೇನೆಂಬೆಂ
ಆಹಾ! ಚಿತ್ರದಂತೆಯೇ ತುಂಬ ಸೊಗಸಾದ ಕಲ್ಪನೆ ಹಾಗು ಪದ್ಯ!!
ಅಡಗಿಹುದು ಗರ್ಭಮದು ಬದ್ಧಕೋನಾಸನದೆ
ತೊಡೆ ಸಪ್ತವರ್ಣಮಯ ತಾಯತನಕಂ
ನಡೆಯೆ ಮಾಸಾನುಮಾಸದ ಕರನ್ಯಾಸದೊಳು
ಎಡದೊಂಟಿ ಹಸ್ತದಿನೆ ಸುಪ್ತ ಬಲವುಂ !!
ಕರನ್ಯಾಸದೆ ನವಮಾಸ “ಗರ್ಭ”ದ ವರ್ಣನೆ !!
ಅರ್ಥವಾಗಲಿಲ್ಲ 🙂 ಕಠೋಪನಿಷತ್ತಿನ ಯಾವುದೋ ಒಂದು ಯಾಗದ ವಿವರಣೆಯ ಮಂತ್ರ ಓದಿದಂತಾಯಿತು!
ನೀಲಕಂಠ, ಇದು ಉ(ಪನಿ)ಷತ್ ವಾಕ್ಯ ಅಷ್ಟೇ !!
ಚಿತ್ರದಲ್ಲಿನ ನೃತ್ಯಭಂಗಿಗೆ ಗರ್ಭಾವಸ್ಥೆಯನ್ನು ಹೋಲಿಸಿ ಬರೆದ ಪದ್ಯ. ವರ್ಣಮಯ ಕರಗಳ ” ಜೋಡಣೆ ಕ್ರಮ” ಮತ್ತು ಅವುಗಳ “ಸಂಖ್ಯೆ” ಆಧಾರಿತ ಚೌಪದಿ . ತಿಂಗಳಿಗೆ ಒಬ್ಬರಂತೆ ಒಂಬತ್ತು ತಾಯಂದಿರ (ನವಮಾತೃಕೆಯರ) ಒಂಬತ್ತು ಜೊತೆ ಕರಗಳ ವಿನ್ಯಾಸ – ಮಧ್ಯದಲ್ಲಿ ಮೊದಲತಿಂಗಳ ಗರ್ಭ ಸ್ಥಾಪನೆ ಒಂದು ಜೊತೆ ಕರದೆ ಸಂದ ಕೋನಾಕಾರದಲ್ಲಿ – ಸುತ್ತಲೂ ಏಳು ತಿಂಗಳ (ಮಾಸಾನುಮಾಸದ) ಆರೈಕೆ – ಏಳು ಜೊತೆ ಕರಗಳಲ್ಲಿ , ಒಂಬತ್ತನೇ ತಿಂಗಳ ಪೂರ್ಣತೆಗೆ ಎಡದಲ್ಲಿರುವ “ಒಂಟಿ” ಹಸ್ತದ ಜೊತೆಗೆ ಸುಪ್ತ ಬಲಹಸ್ತವಿರುವುದು ಎಂಬ ಆಶಯ !!
ಪದ ಜೋಡಣೆಯಲ್ಲಿ ಫಲಿಸಲಿಲ್ಲವೇನೋ ?!