Jan 282019
 

೧. ವಸಂತತಿಲಕದ ಸಮಸ್ಯೆ

ಪ್ರಾದೇಶಮಾತ್ರವಸನಂ ಸತಿಯಾಂತಳಲ್ತೇ 

ಪ್ರಾದೇಶಮಾತ್ರವಸನಂ = ಅತಿಶಯವಾಗಿ ಚಿಕ್ಕದಾದ  ವಸ್ತ್ರ

೨. ದ್ರುತವಿಲಂಬಿತದ ಸಮಸ್ಯೆ

ಅಸಿತಕೇಸರಿಯಿಂದಳಿದಂ ಖಲಂ

  22 Responses to “ಪದ್ಯಸಪ್ತಾಹ ೩೪೪: ಸಮಸ್ಯಾಪೂರಣ”

  1. ಈದೋರ್ ವಿಶೇಷ ವಿಷಯಂ ಭುವಿದಂ ಗಡಾ ನೀಂ
    ಕಾದಲ್ಮೆಯಿಂ ಜರುಗುದೀಪರಿ ವೈಪರೀತ್ಯಂ
    ಪಾದಾರ್ಪಣಾ ಸಮಯಕಂ ರವಿಯೀವೊಡೆ ಕ್ಷಿ-
    ಪ್ರಾದೇಶಮಾತ್ರ ವಸನಂ ಸತಿಯಾಂತಳಲ್ತೇ !!

    *ಕ್ಷಿಪ್ರ + ಆದೇಶ = ಕ್ಷಿ-ಪ್ರಾದೇಶ = ತತ್ ಕ್ಷಣದ ಅಪ್ಪಣೆ

    ಇದೋ ಇಲ್ಲಿ ನೋಡಿ ಈ ವೈಪರೀತ್ಯ !! (ಗಂಡನ ಆದೇಶದಂತೆ ಉಡುತೊಡುವ ಹೆಂಡತಿಯನ್ನು ಬಲ್ಲಿರಾ ?!)
    ಸೂರ್ಯನಾಗಮನದ ಸಮಯಕ್ಕನುಗುಣವಾಗಿ ಅವನ ಆದೇಶದಂತೆ ವರ್ಣವಸ್ತ್ರವಿನ್ಯಾಸಗೊಳುವ ಭೂಮಿಯ ಕಲ್ಪನೆ !!

    • ಕೀಲಕದ ಶಬ್ದಚ್ಚಲನಿರ್ವಹಣೆ ಚೆನ್ನಾಗಿದೆ. ಭುವಿದಂ ಬದಲು ಭುವದಂ ಎಂದರೆ ಸರಿಯಾದೀತೇನೋ.

      • ಧನ್ಯವಾದಗಳು ಪ್ರಸಾದ್ ಸರ್,
        ಭೂಮಿ ಮತ್ತು ಇದು ಅವಳ ವಿಷಯ – ಎಂದು ಎರಡನ್ನೂ ಹೇಳಲು ” ಭುವಿದಂ” ಬಳಸಿರುವೆ . “ಭುವದಂ” ಎಂದರೆ ಅರ್ಥ
        ವ್ಯತ್ಯಾಸವಾಗುದೇ?

    • ಕ್ಷಿಪ್ರಾದೇಶ -> ಚೆನ್ನಾಗಿದೆ. ಆದರೆ ಮಾತ್ರದಿ ಎಂದಾಗಬೇಕಲ್ವೇ?

      • ಧನ್ಯವಾದಗಳು ರವೀಂದ್ರ ,
        ವೃತ್ತದ ಮಾತ್ರಾಂತರ ತಪ್ಪಿಸಲು ಮಾತ್ರ ಈ “ಮಾತ್ರ”!!

  2. (Carved) ಕೋದಿಟ್ಟ ಶಿಲ್ಪವನದೋ ವಿಪಣಾಂತದೊಳ್ ಕಾಣ್
    ಪ್ರಾದೇಶಮಾತ್ರವಸನಂ ಸತಿಯಾಂತಳಲ್ತೇಂ!
    ಐದಲ್ಲ ಕೇವಲಮೆ ಈರ್ವಸನಂಗಳಿಟ್ಟುಂ (ಸೀರೆ, ಪೆಟ್ಟಿಕೋಟ್, ಕುಪ್ಪಸ ಮತ್ತು ಎರಡು ಒಳವಸ್ತ್ರಗಳ ಪೈಕಿ ಕೊನೆಯ ಎರಡನ್ನು ಮಾತ್ರ)
    (Passers-by) ಹಾದಂತರನ್ನು ಸೆಳೆವಂಗಡಿಯಾತ ದಿಟ್ಟಂ||

  3. ಕಸುವು ತನ್ನೊಳಗಿರ್ಪುದುಮೆನ್ನುತುಂ
    ಪೆಸರ ಪೊಂದುವೆನೆನ್ನುತೆ ಕಾಯುತುಂ (Fighting)|
    ಪಸಿದು ಕಾದಿಹುದೆಂದಿವ ಬಲ್ಲನೇಂ
    (Roaring) ರಸಿತಕೇಸರಿಯಿಂದಳಿದಂ ಖಲಂ||

  4. ವಿನೋದ-ವ್ಯಥೆಗಳು ಮೃಗಗಳಲ್ಲಿ ಒಂದೇ ಸಮ ಇರದು. ಇದೊಂದು ಲಸಿತ (playful/ sportive) ಸಿಂಹವೇ. ಆದರೆ ಇಂದು ಅದರ ಲಹರಿ ರೇಗಿತ್ತು (ಮಸಕ)!

    ಒಸರುಗೇಂ ಬಿನದಂ ಹದದಿಂದೆ ತಾಂ
    ಬೆಸನಮುಂ ಮಿಗ-ಮಾನಿಸರೊಳ್ ವಲಂ|
    ಮಸಕಗೊಂಡಿರೆ ಇಂದಿಗದೇತಕೋ
    ಲಸಿತಕೇಸರಿಯಿಂದಳಿದಂ ಖಲಂ||
    (ಖಲಂ=trainer ಎಂದು ಪರಿಗಣಿಸಬಹುದು. ಪ್ರಾಣಿಗಳನ್ನು ತನ್ನ ಸ್ವಾರ್ಥಕ್ಕಾಗಿ ಬಳಸಿಕೊಳ್ಳುವವನು ಖಲನೇ)

    ಇದೇ ಕಲ್ಪನೆಗೆ ಭಿನ್ನಕೀಲಕಗಳನ್ನು ಬಳಸಿಕೊಳ್ಳಬಹುದು:

    ಒಸರುಗೇಂ ಬಿನದಂ ಹದದಿಂದೆ ತಾಂ
    ಬೆಸನಮುಂ ಮಿಗ-ಮಾನಿಸರೊಳ್ ವಲಂ|
    ಮಸಕಗೊಂಡಿಹುದಿಂದಿಗದೇಕೊ ಉ-
    ಲ್ಲಸಿತಕೇಸರಿಯಿಂದಳಿದಂ ಖಲಂ||

    ಒಸರುಗೇಂ ಬಿನದಂ ಹದದಿಂದೆ ತಾಂ
    ಬೆಸನಮುಂ ಮಿಗ-ಮಾನಿಸರೊಳ್ ವಲಂ|
    ಮಸಕಗೊಂಡಿಹುದಿಂದಿಗದೋ ಸಮು-
    ಲ್ಲಸಿತಕೇಸರಿಯಿಂದಳಿದಂ ಖಲಂ||

    ಒಸರುಗೇಂ ಬಿನದಂ ಹದದಿಂದೆ ತಾಂ
    ಬೆಸನಮುಂ ಮಿಗ-ಮಾನಿಸರೊಳ್ ವಲಂ|
    ಮಸಕಗೊಂಡಿಹುದಿಂದಿಗದೇಕೊ ಆ-
    ಶ್ವಸಿತಕೇಸರಿಯಿಂದಳಿದಂ ಖಲಂ||
    (ಆಶ್ವಸಿತ=cheered)

    ಒಸರುಗೇಂ ಬಿನದಂ ಹದದಿಂದೆ ತಾಂ
    ಬೆಸನಮುಂ ಮಿಗ-ಮಾನಿಸರೊಳ್ ವಲಂ|
    ಮಸಕಗೊಂಡಿಹುದಿಂದಿಗದೇಕೊ ಉ-
    ಚ್ಛ್ವಸಿತಕೇಸರಿಯಿಂದಳಿದಂ ಖಲಂ||

    ಒಸರುಗೇಂ ಬಿನದಂ ಹದದಿಂದೆ ತಾಂ
    ಬೆಸನಮುಂ ಮಿಗ-ಮಾನಿಸರೊಳ್ ವಲಂ|
    ಮಸಕಗೊಂಡಿಹುದಿಂದಿಗದೋ ಸಮು-
    ಚ್ಛ್ವಸಿತಕೇಸರಿಯಿಂದಳಿದಂ ಖಲಂ||
    (ಸಮ್-ಉಚ್ಛ್ವಸಿತ=untied/ heaving)

    ಒಸರುಗೇಂ ಬಿನದಂ ಹದದಿಂದೆ ತಾಂ
    ಬೆಸನಮುಂ ಮಿಗ-ಮಾನಿಸರೊಳ್ ವಲಂ|
    ಮಸಕಗೊಂಡಿಹುದಿಂದಿಗದೇಕೊ ನಿ-
    ಶ್ಶ್ವಸಿತಕೇಸರಿಯಿಂದಳಿದಂ ಖಲಂ||
    (ನಿಶ್ಶ್ವಸಿತ= heaving)

  5. Wanting to steal something valuable that was in a cage, the careless thief entered it, failing to notice the beast that was curled up in a corner!
    “ಹೊಸತು ಪಂಜರ, ರಿಕ್ತಮೃಗಂ ವಲಂ
    ಕಸವನೆತ್ತುವ ವ್ಯಾಜದಿನೈದುವೆಂ|”
    ಬಿಸುಡಲೆಚ್ಚರ ಚೌರ್ಯಕೆ ತಸ್ಕರಂ
    (Resident) ವಸಿತಕೇಸರಿಯಿಂದಳಿದಂ ಖಲಂ||

  6. (Irritate) ಕಸರಗೈಯುತೆ ಬಂಧಿತ ಪ್ರಾಣಿಯೊಳ್
    ಮುಸುಡಿಯಂ ತಿವಿಯುತ್ತಲಿ ಆಡಲೇಂ|
    ಹಿಸುಕೆ ಕೆನ್ನೆಯ ಪಂಜವ ಬೀಸಿತೈ
    (Perseverant) ಪ್ರಸಿತಕೇಸರಿಯಿಂದಳಿದಂ ಖಲಂ||

  7. A mafia don desired excess of the expensive spice pure-Kesari in all the foodstuffs he ate daily! He lost all his fortune on it.
    ಪಸಿವ ಪಿಂಗಿಸುವೆಲ್ಲ ಪದಾರ್ಥದೊಳ್
    ರಸನೆಗೇರುಗೆ ಕೇಸರಿಯುಣ್ಣುವಂ|
    ವ್ಯಸನಿಯೀತನು ದುಂದನು ಗೈಯುತುಂ
    ಅಸಿತ(Red)ಕೇಸರಿಯಿಂದಳಿದಂ ಖಲಂ||

  8. ಮಂದಾರದಂಥ ಸತಿಗಂ ಪತಿಯಾಗೆ ಧೂರ್ತಂ
    ಸಂದೇಹಿಸುತ್ತಲೊರಟಂ ಕುಡಿದಾಡಿ ಬೈವಂ|
    ಸಂದಿಗ್ಧಮಾದ ಬದುಕೊಳ್ ಗುಣಶೀಲಮೆಂಬೀ
    ಪ್ರಾದೇಶಮಾತ್ರವಸನಂ ಸತಿಯಾಂತಳಲ್ತೇ ||

    ಮರ್ಯಾದೆಗೆಟ್ಟ ಗಂಡನನ್ನು ಕಟ್ಟಿಕೊಂಡಾಕೆಗೆ, ಅವಳ ಗುಣಶೀಲಗಳೇ ತುಂಡುಬಟ್ಟೆಗಳಾಗಿ, ಸಮಾಜದೆದರು ಬೆತ್ತಲೆಯಾಗದಂತೆ ಕಾಪಾಡುತ್ತಿವೆ.

  9. ಮಸಗುತುಂ ರವಿ ಮೂಡಣದಾಗೆ ಸಂ-
    ದ ಸಿತಕೇಸರಿಯಿಂದುಳಿದುಂ ದಿನಂ
    ಎಸಕದಿಂ ಪಡುಗಂ ನಡೆದುಂ ಗಡಾ
    ಅಸಿತಕೇಸರಿಯಿಂದಳಿದಂ ಖಲಂ !!

    ಖಲಂ = ಸೂರ್ಯ
    ಸಿತ = ಬಿಳಿಯ , ಅಸಿತ = ಕಪ್ಪಾದ

    ದಿನವೂ ಪೂರ್ವದಲ್ಲಿ ಉದಯಿಸಿ – (ಕೆಂಪು)ಕೇಸರಿ ಕರಗಿ ಬಿಳಿಯಾಗಿ – ಉಳಿದು/ ಬೆಳೆದು – ಪಶ್ಚಿಮಕ್ಕೆ ನಡೆದು – (ಕೆಂಪು)ಕೇಸರಿ ಕರಗಿ ಕಪ್ಪಾದಾಗ – ಕಾಣೆಯಾಗುವ(ಅಳಿವ) “ರವಿ”ಯ ಕಲ್ಪನೆ !!

  10. As usual, she first wore the undergarments (ಪ್ರಾದೇಶಮಾತ್ರವಸನ), and then she wore a white blouse (ಚೋಲಕ – ಈ ಪ್ರಕರಣದಲ್ಲಿ ಇದು ಇನ್ನೂ ಪೂರ್ತಿ ಒಣಗಿಲ್ಲ), petticoat (ನೀವಿ) and sari (ಚೀರ)!
    ಗೈದಾದ ಮೇಲದೆಗೊ ಸ್ನಾನವನಾದಿಯೊಳ್ ಕೇಳ್
    ಪ್ರಾದೇಶಮಾತ್ರವಸನಂ ಸತಿಯಾಂತಳಲ್ತೇಂ|
    ಕ್ಲೇದಂ ಗಡಿದ್ದ ಸಿತಚೋಲಕಮಂ ಮಗುಳ್ ತಾಂ
    ಪಾದಾಂತಕಂ ಬಳಿಕ ನೀವಿಯ-ಚೀರಮನ್ನುಂ||

  11. ಏಂ ದಾಳದಾಟಮಿದೊ ದಲ್ ಕುಣಿಸಲ್ಕೆ ಧರ್ಮಂ
    ಬೋದಾಳರಾದ ಪತಿಗಳ್ ಕುರುಡಾಗೆ ರಾಜಂ|
    ಬೆಂದಾಕೆಗಾರು ಗತಿಯೌ! ಗಡ! ಕೃಷ್ಣನಾಮ
    ಪ್ರಾದೇಶಮಾತ್ರವಸನಂ ಸತಿಯಾಂತಳಲ್ತೇ ||

    ಧರ್ಮ, ರಾಜ, ಪತಿಗಳ ಸಹಾಯವಿಲ್ಲದ ಸತಿಗೆ ಕೃಷ್ಣನಾಮವೊಂದೆ ಗತಿ!

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)