Feb 052019
 

೧. ಬಿರಿದ ನೆಲೆ

೨. ಚಕ್ಕುಲಿ ಕೋಡುಬಳೆಗಳ ಜಗಳ

೩. ಪೀತಪತ್ರಿಕೆ (yellow journalism)

  13 Responses to “ಪದ್ಯಸಪ್ತಾಹ ೩೪೫: ವರ್ಣನೆ”

  1. ಚಕ್ಕುಲಿಯು ಕೋಡುಬಳೆಗೆ ಹೇಳುವುದು – ವನಮಯೂರ/ ಇಂದುನಂದನ||
    ಉಪ್ಪು-ಹುಳಿ-ಖಾರಗಳನೆಲ್ಲವನು ಪೊಂದು-
    ತ್ತೊಪ್ಪೆನಿಸೆ ಸಾರು-ಹುಳಿ-ತೊವ್ವೆಗಳ ಬಲ್ಪೇಂ?
    ಚಪ್ಪರಿಸುವಂತಿರುವೆ ನೀನು ಮೆಣಸಿಂದೈ (Chillies)
    ಬೆಪ್ಪೆ, ಬರಿಯುಪ್ಪಿನೊಳೆ ರಂಜಿಸುವೆ ನಾನೈ||

  2. ಚಕ್ಕುಲಿಯು ಕೋಡುಬಳೆಗೆ ಹೇಳುವುದು
    ವಸಂತತಿಲಕ|| ವೈರಾಗ್ಯಕುಂ ಮಿತಿಯುಮೊಂದಿಹುದಲ್ತೆ ನೋಡಲ್
    ನಾರಿಂದೆ ನೈದಿರುವ ಚೀರವದೊಂದು ಬೇಕೈ|
    (ಉಪ್ಪು-ಹುಳಿ-ಖಾರಗಳ ಪೈಕಿ) ದೂರಂ ಗಡಿಟ್ಟೆ ಪುಳಿಯೊಂದನು ಮಾತ್ರ ನೀನೈ
    ಖಾರಂ ಗಡೇಕೆನುತೆ ಉಪ್ಪನು ಮಾತ್ರಮಾಂತೆಂ (ನಾಂ)||

  3. When the elders are no more and the nexgen is left to fend for itself…
    ಪೆತ್ತರೀವರೆಗಿದ್ದರೆನಗಾಶ್ರಯವನಿತ್ತು
    ಮೆತ್ತೆವೊಲ್ ದ್ವೈಧವೆಲ್ಲವ ಪೀರುತುಂ|
    ತುತ್ತಾದೆವೈ ವಿಯೋಗಕ್ಕೆಂದು ರೋದಿಪುದೊ
    ತತ್ತರಿಪ್ಪುದೊ ನೆಲೆಯು ಕಳಚಿತೆಂದು||

  4. Yellow journalism ಅಲ್ಲ, ಪೀತಪತ್ರಿಕೆ ಮಾತ್ರ
    ಬಡತನದ ಮನೆಗಳೊಳು Huggiesಅದೆಲ್ಲಿಯದು
    ನಿಡಿದು ಅಂಗಿಯದೊಂದೆ ಚಿಣ್ಣನಿಂಗೆ|
    ತೊಡೆಯೆ ಕಕ್ಕವನವನ ದೈನಿಕದ ಕಾಗದದೆ
    ಪಿಡಿದುದೈ ಪಾಂಡುವಾ(Jaundice) ಪತ್ರಿಕೆಯನು||

    ಆ ಮಾತೆಗೊಂದು ವಿಜ್ಞಾಪನೆ:
    ಕೊಂಡೆ ನೀನೆಂತೊ ಆ ಪತ್ರಿಕೆಯ ಚೂರೊಂದ
    ಕುಂಡೆಯನ್ನೊರೆಸೆ ನಿನ್ನಯ ಕಂದನ|
    ಭಂಡಸಂಪಾದಕೀಯದ ಪುಟವ ಕೊಳ್ಳೆ ತಾಯ್
    ಬೋಂಡದವನಿಂಗಿರಲಿ ಮಿಕ್ಕ ಪುಟಗಳ್||

  5. ಚಕ್ಕುಲಿ :-
    ಬಕ್ಕ ತಲೆಯವೊಲಿರುವ ನಿನ್ನೀ
    ಚಿಕ್ಕ ದೇಹಕಿದುಚಿತವೆನುವೆನೆ ?
    ಪೊಕ್ಕು ಪದ್ಯ ಬರೆವವರ ಹೃದಯತಾಣಕಿದು ಲಗ್ಗೆ ?
    ಕೋಡುಬಳೆ :-
    ಬೊಕ್ಕು ಬಾಯಿಯ ಚಪಲಕೆಟುಕದ
    ಸೊಕ್ಕಿ ಮುಳ್ಳಿನ ದೇಹವೊಗ್ಗಿದ
    ಪಕ್ಕೆಲುಬನೇ ಪೋಲ್ವ ನಿನಗೀ ತಾಣ ತಕ್ಕುದೇ ? ಪೋ !

    • ಮೂರನೆಯ ಪಾದದಲ್ಲಿ ಗಣವಿಭಜನೆಯು ಶ್ರುತ್ಯಹಿತವಾಗಿದೆ. ‘ಪೊಕ್ಕುವುದು ಪದ್ಯವನು ಪೊಸೆವರ ಹೃದಯತಾಣವನು?’ ಎಂದರೆ ಸರಿಯಾದೀತು. ಅಲ್ಲದೆ, ಪೊಕ್ಕು ಮತ್ತೆ ಲಗ್ಗೆ ಶಬ್ದಗಳು ಸಮಾನಾರ್ಥಕಗಳು; ಪುನರುಕ್ತಿ.

      • ೧. ಶ್ರುತಿ ಹಿತವಾಗುವಂತೆ ಮಾಡೋಣ . ಆದರೆ ‘ಪೊಕ್ಕುವುದು ‘ ಎಂಬ ಪ್ರಯೋಗ ಸರಿ ಅಲ್ಲವೆಂದು ನನ್ನ ಅನಿಸಿಕೆ ಪೊಗುವುದು / ಪುಗುವುದು ಎನ್ನಬಹುದು . ಅದು ಪ್ರಾಸಕ್ಕೆ ಹೊಂದಿಕೆಯಾಗದು
        ೨. ಪೊಗು = ಪ್ರವೇಶಿಸು , ಲಗ್ಗೆ =ಆಕ್ರಮಣ ಮಾಡುವುದು .(ಕೊಟ್ಟ ವಸ್ತು-ವಿಷಯ ಪ್ರವೇಶಿದಾಗ , ಹೃದಯದಲ್ಲಿ ಹಲವು ತರದ ಭಾವನೆಗಳು ಲಗ್ಗೆ ಇಡುತ್ತವೆ ಎಂಬರ್ಥದಲ್ಲಿ ಬಳಸಿರುವುದು. ಉದಾ ; ಕೋಡುಬಳೆಗೂ , ಚಕ್ಕುಲಿಗೂ ಹಲವು ರೀತಿಯಲ್ಲಿ ಜಗಳ ಮಾಡಿಸಬಹುದು .ಯಾವುದೋ ಒಂದನ್ನು ಪೋಣಿಸಿ ಒಂದು ಪದ್ಯವನ್ನು ರಚಿಸುವುದಷ್ಟೆ.
        ಧನ್ಯವಾದಗಳು

        ಬಕ್ಕ ತಲೆಯವೊಲಿರುವ ನಿನ್ನೀ
        ಚಿಕ್ಕ ದೇಹಕಿದುಚಿತವೆನುವೆನೆ ?
        ಪೊಕ್ಕು ನೀಮ್ ಕವಿ ಹೃದಯ ತಾಣದೊಳವತರಿಪುದಿಂತು ?
        ಬೊಕ್ಕು ಬಾಯಿಯ ಚಪಲಕೆಟುಕದ
        ಸೊಕ್ಕಿ ಮುಳ್ಳಿನ ದೇಹವೊಗ್ಗಿದ
        ಪಕ್ಕೆಲುಬನೇ ಪೋಲ್ವ ನಿನಗೀ ತಾಣ ತಕ್ಕುದೆ ? ಪೋ !

        • ‘ಪೊಕ್ಕುವುದು ‘ ಎಂಬ ಪ್ರಯೋಗ ಸರಿಯಲ್ಲದಿರಬಹುದು. _/\_

  6. ”ತಕ್ಕುದೇ ?”– ಎಂಬಲ್ಲಿ ದೀರ್ಘವಿಲ್ಲ . ತಪ್ಪಾಗಿದೆ .ಕ್ಷಮಿಸಿ

  7. ಚಕ್ಕುಲಿ ಹೀಗೆಂದಿತು !!

    ಏನೆಂಬೆನೆಮ್ಮಗೀ ಸ-
    ಮ್ಮಾನಂ ಜಗದವಳಿಜವಳಿ ಸೋದರರೆಮಗಂ |
    ನಾನಗ್ರಜನನುಜನೆ ಬಿಗು-
    ಮಾನಂ ಬಿಡು ಬಗೆಯದೆನ್ನ ವೃತ್ತಾಂತಂ ಕಾಣ್ !!

    ಚಕ್ಕುಲಿ_ಕೋಡುಬಳೆ (ಎಲ್ಲರ ಮನೆಮನದ ನೆಚ್ಚಿನ ಅವಳಿಜವಳಿ)
    ಮೊದಲು ಕರಿವ ಚಕ್ಕುಲಿ – ಅಣ್ಣ / ನಂತರದ ಕೋಡುಬಳೆ – ತಮ್ಮ
    ತಮ್ಮನ ದೇನು ಕೋಡು ?!

    • Should be ಎನ್ನ ವೃತ್ತಾಂ’ತದ’ ಬಗೆಯನ್ನು ಕಾಣ್; not ವೃತ್ತಾಂತವು/ವೃತ್ತಾಂತಂ. ’ಬಿಗುಮಾನಂ ಬಿಡು, ಬಗೆಯನೆನ್ನ ವೃತ್ತಾಂತದ ಕಾಣ್’ ಎಂದು ಸವರಬಹುದು

  8. ಧನ್ಯವಾದಗಳು ಪ್ರಸಾದ್ ಸರ್,
    “ನನ್ನ ಬಗೆಗಿನ ವಿವರಣೆಯನ್ನು ಕಾಣು / ಭಾವಿಸದೆ ನನ್ನ ವೃತ್ತ+ಅಂತವನ್ನು ಕಾಣು” ಎಂದಾಗಬೇಕಿದೆ . ವಿಭಕ್ತಿಪಲ್ಲಟ ಒಪ್ಪದೇ!?

  9. ಬಿರಿಯಿತೆ ಭಾರತಾಂಬೆಯುದರಂ ಸೆಲೆ ಸೀಳಿದರಂದು ಕತ್ತಲೊಳ್
    ಸೊರಗಿದಳಾಕೆ ಕಂಪಿಸುತೆ ತಾಯ್ನೆಲಮೊಪ್ಪದ ಭಂಡಪುತ್ರರಿಂ|
    ಮರೆತಳೆ ಮೌನಮೊಪ್ಪಿದಳೆ ಸೋಲ್ತಳೆ ಕೋಮಲೆ ತಾನ್ ಬಳಲ್ದಳೇ-
    ನಿರೆ ನೆಲೆಗಾಣದಂತೆ ಗಡ! ಕಾದಳೆ ಮೇಣವತಾರಿಯಾಗಮಮ್||

Leave a Reply to ಹಾದಿರಂಪ Cancel reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)