ಪದ್ಯಸಪ್ತಾಹ ೩೫೫:ವರ್ಣನೆ

  3 Responses to “ಪದ್ಯಸಪ್ತಾಹ ೩೫೫:ವರ್ಣನೆ”

1. 

   ಹಾದಿರಂಪ says:

   April 25, 2019 at 4:17 pm

   ಬೇರೆಲ್ಲ ಸಮಯದೊಳು ಪಿರಿತನದ ಪರಿವೆಯದು
   ಗೈರಹುದು ಪಿರಿಯರೊಳ್, ನುಡಿವರೇನೇನೋ|
   ತೋರಲವರಿಂಗವರ ಸ್ಥಾನವ ಮಣಿಯೆ ಜವಾ-
   ಬ್ದಾರಿಯಿಂದಾಶೀರ್ವದಿಪರೆಳೆಯರಂ||

   Reply
2. 

   ಹಾದಿರಂಪ says:

   April 25, 2019 at 6:23 pm

   ಮಾಲಿನೀ||
   ಕಲಬೆರಕೆಯುಮಲ್ಲಂ ನೋಡೆ ಸಾರ್ವತ್ರಿಕಂ ತಾಂ
   ತಿಲ-ಯವ-ಮಧು-ಗೋಧೂಮಂಗಳೊಳ್ ರೇಶ್ಮೆಯೊಳ್ ಮೇಣ್|
   ಪಲವು ಪರಿಯೊಳಿದ್ದೇಂ, ಮಾತ್ರಮೀ ಒಂದರೊಳ್ ತಾಂ
   ಸಲೆ ಗರಲದೆ ಕಾಣೆಂ ಮುನ್ನಮಿಂದುಂ ಗಡೆಂದುಂ||

   Reply
3. 

   ಹಾದಿರಂಪ says:

   April 26, 2019 at 11:02 am

   ವನಸುಮ:
   ಬಿಟ್ಟ ಪೂವನೆಲ್ಲ ಕಿತ್ತು ಫಲವು ಪುಟ್ಟದಂತೆ ಗೈವ
   ಖೊಟ್ಟೆಮನುಜನಲ್ಲಿರುವೆಡವಟ್ಟಿದೇನಿದೋ|
   ಬಿಟ್ಟು ಪೂವನೆಲ್ಲ ಅಲ್ಲೆ ದಳಗಳುದುರಿ ಹಣ್ಣವಾಗೆ
   ಹೊಟ್ಟೆತುಂಬ ಉಂಬ ಮಿಗಮೆ ಮಿಗೆ ವಿವೇಕಿಯೈ||

   Reply