Jan 132020
 

೧. ಗ್ರೀಷ್ಮದ ಕೆರೆ

೨. ವನವಾಸಕ್ಕೆ ಹೊರಡುವಾಗ ಸೀತೆಯ ಸ್ವಗತ

೩. ಅಮಾವಾಸ್ಯೆ

  13 Responses to “ಪದ್ಯಸಪ್ತಾಹ ೩೯೫: ವರ್ಣನೆ”

  1. ಬಿಲ್ಲನೆತ್ತಿದ ಶೂರನನು ಕಂ
    ಡೆಲ್ಲ ಹುಡುಗಿಯರಂತೆ ಮೆಚ್ಚುತ
    ಸೊಲ್ಲನೆತ್ತದೆ ಪತಿಯ ಹಿಂಬಾಲಿಸಿದೆ ನಾನಕಟಾ!
    ಸಲ್ಲಬಹುದೇಂ ಶ್ವಶ್ರು ಮೂವರು
    ಹುಲ್ಲೆಯಂತಹ ಚದುರೆ ನಾನೈ
    ಮೆಲ್ಲ ಹೊರಡುವೆ ಕಾಡೆ ಮಿಗಿಲೈ ಕಾಡ್ವ ಶ್ವಶ್ರುವಿಗುಂ|

    • ಚೆನ್ನಾಗಿದೆ ರಾಮನಾಥರೆ. ಕಾಡ್ವ ಪದ ಸರಿಯಲ್ಲ. ಕಾಡುವ ಆಗಬೇಕು. ಶ್ವಶ್ರು ಪುನರುಕ್ತಿ ಆಗಿದೆ. ಕಾಡುವತ್ತೆಯಿನೇ (ಕಾಡುವ ಅತ್ತೆಗಿಂತಲುವೇ) ಅಂತ ತಿದ್ದಬಹುದು.

      • ‘ಮೆಲ್ಲಹೊರಟೆನರಣ್ಯ ಮಿಗಿಲೈ ಕಾಡುವತ್ತೆಗಿನುಂ’ ಆಗಬಹುದೇ? ನಿಮ್ಮ ಸ್ಪಂದನಕ್ಕೆ ವಂದನೆಗಳು ನೀಲಕಂಠರೆ

  2. ಸೀತೆಯ ಸ್ವಗತ

    ಅರಮನೆಯ ಸೊಗಸೇಕೆ? ನಲ್ಮೆಯಿ-
    -ನರಸನೊಂದಿಗೆ ಬಾಳ್ವೆ ಕಾಡೊಳೆ
    ವಿರಹವೊಂದುಳಿದಾವ ಕಷ್ಟವು ಕಷ್ಟವೆನಗಲ್ತು.
    ತೊರೆದು ಹೊನ್ನಿನ ಬೋನನಾನನು-
    -ಸರಿಪೆ ನಲ್ಲನ, ಕಾಡಸೇರುತೆ
    ಚರಿಪೆ ಗಗನದೆ ರೆಕ್ಕೆಬಿಚ್ಚುತೆ ಸಖನ ರಕ್ಷೆಯಲಿ

  3. ಸೀತೆಯ ಸ್ವಗತ

    ಸೀತೆಯು ವಿರಹದ
    ಗೀತೆಯ ಹಾಡುತ
    ಸೋತೆನು ನಿನ್ನೊಲುಮೆಗೆನಾನು
    ಪ್ರೀತಿಯ ನೀಡುತ
    ನೀತಿಯ ಹಿಡಿಯುವ
    ರೀತಿಯನರಿತೆನು ಮನದನ್ನ

    • ಶಂಕರಾನಂದರಿಗೆ ಪದ್ಯಪಾನಕ್ಕೆ ಸ್ವಾಗತ. ತಮ್ಮ ಆಸ್ಥೆಗೆ ಅಭಿನಂದನೆಗಳು. ಛಂದಸ್ಸು ಪ್ರಾಸಗಳೆಲ್ಲ ಸರಿಯಿವೆ. ಆದರೆ ವ್ಯಕ್ತಿಯೊಬ್ಬರ ಸ್ವಗತದಲ್ಲಿ ಆ ವ್ಯಕ್ತಿಯ ಹೆಸರು ಬರಬಾರದಲ್ಲವೆ? ದಯವಿಟ್ಟು ಪುನಾರಚಿಸಿ.

    • ದಾಶರಥಿ ಬದಲು ಮನದನ್ನ ಪದ ಹಾಕಿದ್ದೆನೆ

    • ಶಂಕರಾನಂದರೇ, ಸ್ವಗತ ಯಾರದು ಅಂತ ಗೊತ್ತಾಗಲಿಲ್ಲ. ಮೊದಲಿಗೇ ಸೀತೆಯು ಅಂತ ಕರ್ತೃಪದ ಬಂದಿದೆಯಲ್ಲ..

  4. ಸೀತೆಯ ಅಳಲು:
    ಮೊದಲಿಂಗೆ ಬಿಸುಟವರ್ ಪೆತ್ತವರು ತಾಮಲ್ತೆ
    ಅದನೆ ಎನ್ನತ್ತೆ ಗೈದಿರುವಳೀಗಳ್|
    ಮದನನೆನ್ನಯನೆಂತು ಅಪವಾದನಾದಾನು
    ಒದಗಲಾಗತಿ ಇವುಗಳುಪಕಲ್ಪನಂ|| (ಒದಗಲು = ಒದಗಿದರೆ)
    ಆ ಸಂಭಾವ್ಯವನ್ನು ಸಹಿಸಲು ಇವುಗಳು (ಎಂದರೆ ತೌರು-ಅತ್ತೆಯರು ಮಾಡಿದುದು) ನನ್ನನ್ನು ಸಜ್ಜಾಗಿಸಿವೆ (ಉಪಕಲ್ಪನವಾಗಿವೆ)

  5. ಸೀತೆಯ ಸ್ವಗತ

    ಜನನಿಯ ಭೂಷಾವಳಿಯೆಂ-
    ಬಿನ ಪುರವೈಭೋಗಮೀಕ್ಷಿಸಿರ್ದಪೆನಿನ್ನೀ
    ವನಘನಚೀರಪುಟಂಗಳ-
    ನನುನಯಿಪೆಂ ತಕ್ಕುದಲ್ತೆ ತಾಯೊಡನಾಟಂ!

    ತಾಯಿ ವಸುಂಧರೆಯ ಆಭೂಷಣಗಳಂತಿರುವ ನಗರಗಳನ್ನು ಇಷ್ಟು ಕಾಲ ನೋಡಿದ್ದೇನೆ. ಇನ್ನು ಮೇಲೆ ಆಕೆಯ ಸೀರೆಯ ನಿರಿಗೆಗಳ ನಡುವೆ ಎಂಬಂತೆ ಅರಣ್ಯಗಳಲ್ಲಿ ನಡೆದಾಡುತ್ತೇನೆ. ಇದಲ್ಲವೇ ತಾಯಿಯ ಒಡನಾಟ!

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)