Nov 172020
 

ವರ್ಣನೆಯ ವಸ್ತುಗಳು: 

೧. ಎಳೆ ಬಿಸಿಲು

೨. ತೋರುಬೆರಳು

೩. ಸರಪಳಿ 

ಕಂದಪದ್ಯದ ಸಮಸ್ಯೆ:

ಕಾಲುಳಿದುಂ ಗೆಲ್ದನಲ್ತೆ ಸ್ಪರ್ಧೆಯೊಳೋಡಲ್ 

  7 Responses to “ಪದ್ಯಸಪ್ತಾಹ ೪೨೨”

  1. ಮಗುವೇನು, ಕರುವೇನು, ತರಕಾರಿಯೇನು ಮೇಣ್
    ಚಿಗುರೇನು ಸೊಪ್ಪುಗಳ, ಪಣ್ಗಳೇನು|
    ಜಿಗಿವ ಮರಿಗಳ್ ಬೆಕ್ಕು-ಜಿಂಕೆ-ನಾಯಿಯವೇನು
    ಬಗೆ ಬಿಸಿಲದುಂ ಚೆಂದವೆಳೆಯದಿರೆ ಕಾಣ್||

  2. ಬೆರಳೊಂದಕೊಂದೊಂದು ಸಂಕೇತವಿಹುದು ಹೆ-
    ಬ್ಬೆರಳ ತೋರುವರಲ್ತೆ ವಿಜಯಕಾಗಿ|
    ಕಿರುಬೆರಳನಾಚಾರ್ಯರಿಗೆ ತೋರುವನು ಛಾತ್ರ
    ನಿರುಕಿಸೆನ್ನಲು ತಿಳಿಸೆ ತೋರುಬೆರಳು||

    ಬೆರಳಿದೊಮ್ಮೆಯೆ ಮಾತ್ರವೊಂದಿಡೀ ಜೀವಿತದೆ
    ಮೆರೆಯುವುದು – ಉಂಗುರವ ತೊಡಲು ನೋಡೆ|
    ಅರುಹದಿರುವೆನು ನಾನು ತಿಳಿದಿರುವೆ ನೀನಲ್ತೆ
    ಕರಮಧ್ಯದಂಗುಲಿಯ ವಿಷಯವನ್ನು||

  3. ಎಳೆಬಿಸಿಲು

    सतां हितवचांसीव बालभास्कररश्मयः ।
    पुष्टिं प्रकाशं यच्छन्ति न  तुदन्ति दहन्ति वा ।।

  4. ಖೇಲಸ್ಪರ್ಧೆಯು ನಡೆದಿರೆ
    ನಾಲಂದದೊಳು ವಿಕಲಾಂಗರಿಂಗಮೆನುತ್ತುಂ|
    ಲೀಲೆಯಿನೇಂ ಪೋದನಿವಂ
    ಕಾಲುಳಿದುಂ ಗೆಲ್ದನಲ್ತೆ ಸ್ಪರ್ಧೆಯೊಳೋಡಲ್||

  5. ಸರಪಳಿ
    ಎಲ್ಲರೊಳಗನ್ಯೋನ್ಯದಿಂದಾವಿರಲುಬೇಕು-
    ಮಲ್ಲೆಲ್ಲೊ ದೂರದೊಳಿಹರ ಬಲ್ಲೆವೇಂ|
    ಇಲ್ಲೆ ನಮ್ಮಯ ನೆರೆಯೊಳಿರ್ಪರೊಳು ನೇಹಮಂ
    ಪಲ್ಲವಿಸಲಾಗಲೆಲ್ಲರ ಮೈತ್ರಿಯೈ||

 Leave a Reply

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

(required)

(required)